Gathering最好就是食放題，狂食狂笑狂歡(≧∇≦)@築地番本日式放題

想專心傾計，最好就是食日式放題，唔洗燒，唔洗睇火，一味點菜，食物好快就送到面前，幾好！
所以今天來到位於通菜街1a的築地番本日式放題跟朋友聚一聚！

這裡全新的裝潢，幾鍾意個門口幾有意景，開業應該無幾耐，因為這裡前身是聯誼會，我常常來打麻雀~

一坐低當然是睇餐單，然後點點點啦！睇落都幾多款式，壽司刺身天婦羅是我必食之選，見到這裡都幾特別，除了普通飲品外，竟然連清酒和梅酒都列入任飲之列，計每位收費$178加一來說，真是飲多兩支都番本( 唔怪得之這裡叫做“番本“原來係好容易番橫咁解XD )，我見其他食客都好多有點，只是我和友人都不不是好酒之人，所以都點了普通飲品就算了~

這裡都有個特點，就是加50元可以再任點多7款食物，就是特大日本赤蝦刺身，帶孑刺身，油甘魚刺身，北寄貝刺身，羊架，蟹粥和藍青口~看起來幾吸引，加50唔算多，所以都有加。不過就算不加其實都有好多選擇。

點到成枱都是食物，其實得兩個人食XD,不過每碟其實都是份量好小，值得一讚是上菜速度極快，其實大概十分鐘就成枱都放滿了，唯一是要小心侍應們多左右上菜，兩邊夾攻，所以唔好周身yuk,如果唔係就會好似我咁發生倒瀉東西事件了~
先來兩味前菜先，這裏除了大路嘢外，還有些特別款，好似朝鮮八爪魚粒咁，酸酸地有點泡菜味配合埋青瓜真是好味又開胃！

刺身就是我最愛的甜蝦和三文魚(≧∇≦)
三文魚夠肥美，甜蝦夠大隻，又夠甜，後排大隻一點的是加錢任食的，明顯較大隻和有品種，前排的是不用加錢都任食的，都好夠份量，係回本必食之選！

shushi都幾好味，尤其火炙三文魚腩壽司，拿捏得剛好所以入口即融，三文魚油在咀腔內融化，甜得來沒有油膩感，好好味，平常食放題避免食飯的我，食了兩件！蝦壽司都好鮮甜~

加左錢就梗係試加錢嘢啦！其中蟹粥當然要試啦！講真蟹味一般，叫做尚可啦，粥就反而夠棉，都ok嘅！温泉蛋就真係要試喇！如果用來撈麵真是一絕！湯底又夠滋味，蛋黃吸收了湯的精華，一吸吮落口，無可比擬咁暢快！牛油帆立貝極好食！一份起碼有15粒我起碼食左10粒！平時出面食細細碟得幾粒要35蚊無走雞，仲有時又老又靭，頭先我食嗰十幾粒都夠淋，又入味！

天婦羅蝦夠大隻，不是“高瘦型“，是“粗獷型“！一口咬下，兩個字：肥美！而且表皮做得又薄又脆，沒有厚厚的粉團，而是好似potato chips咁脆卜卜的，所以我encore了！
說到encore,三文魚腩又滑又香口，而且仲啖啖肉得來又滿滿魚油香！因為燒過的三文魚肉好滑，入口立刻sir落喉嚨，這款有水準，好好味！

至於羊架就有點失望了，我都算食得羶，因為都鍾意食羊，個這個羶的情度好似同巴基斯坦人深度接吻一樣，令我忍受不到，對羶接受能力一般的不用試！
食左咁多肉，要食啲菜中和番，翠玉瓜是一個不錯的選擇，因為爽甜爆水，加了鰻魚汁原來個味好夾，更加能帶出甜味，又可以清一清肉的油膩感，是encore之選！

contact me:

電郵地址：halloshadowking@yahoo.com.hk
instagram:http://instagram.com/shadowccheung
歡迎加入fanpage :https://www.facebook.com/Shadowcblog

my share platform:

<google+><Fashion & beauty><Beautylife><The ztyle><Beautyexchange><Blogspot><she.com><Imore><Ubeauty>
<Lady Qooza><qooza beauty><weshare>

免責聲明：今次係我試食後/試用後的個人感受分享，如需協助或希望獲得更多有關產品資訊,請直接聯絡該品牌查詢或尋求相關專業意見。