難得和男友出來撐枱腳拍下拖，我揀左間環境中高擋的餐廳，一來可以坐得舒服點，二來有啲裝修價錢又合理，又可以慢慢坐飲下嘢傾下計唔限時的cafe就最好了。
先來個凱撒沙律開開胃是西餐指定動作~呢款沙律用木板盛上，餐具的選用頗特別，而加了煙三文魚其實要加20蚊，不過都有兩大塊，所以加應該着數過唔加。沙律菜的份量好像有點少，還好我們得兩個人share食，算勉強夠食。
醬汁選用了奶酪cream cheese,帶點黏稠的質感均勻地伴着每一塊菜葉上，雪白的cheese也淹蓋不了那菜的翠綠，淡淡的芝士味更能特顯沙律菜新鮮而甜的味道。
Stuffed portobello mushroom釀褐蘑菇共有三顆，每顆都有不同的口味，一次過滿足食家三個願望(≧∇≦)
芝士茄汁菇食落酸酸甜甜咁，厚厚的芝士醬好香，釀菇雖然焗過，但仍然保持到好juicy下有爆汁的口感，都幾好食。
同樣是芝士醬心但配香草就有唔同的feel,不過香草味相對唔太特出，有小小讓芝心搶去了峰頭！
果然松露菌醬的配搭就是我至愛了！也不是說配松露就一定好，而是那松露菌醬獨特的芳香着實令人着迷，而且和同是菌類的磨菇更能擦出味覺上的火花，亦將單一的菌味推高了層次！
Grilled Angus rib eye steak處理得唔錯，以7成熟grill得幾好，沒有血水而且之後個收水做得幾好，有保留到血汁，所以食落唔會韌。
而且Angus出了名肉味濃，所以我就特別鍾情食。雖然我男友就鍾情於和牛多一點，不過我還是覺得滿滿牛肉香啖啖肉的angus始終最得我歡心！
伴碟的蒜頭亦好特別呀！未見過其他餐廳會用燒過的蒜頭這樣子半個上做伴碟的，貪得意試下，腍腍地，蒜香得來不會辛反而帶小小甜味，又幾特別喎！
Pasta aglio e olio with fried tiger prawns
呢個意粉原來是餐廳自家製手打意粉，比一般的意粉幼小小，又比天使麵粗小小。口感非常煙韌，咀嚼帶勁，但又不會感覺如橡筋般難咬，柔韌度just fit,我幾鍾意！味道就帶辛辣，見到有幾片生蒜，想必是加了點生蒜汁攪拌意粉，頗有新鮮感，味道亦出奇地夾！再配以7吋大虎蝦，而且有兩隻咁多，情侶可一人一隻share食唔洗爭啦！而虎蝦開了邊又grill過，食落特別香口，加上可快速鎖住鮮味，整件事好妥當。
Cafe Hillywood
尖沙咀柯士甸道152號好兆年行地舖
留言
張貼留言