睇得，食得，selfie更加得！@Hello kitty 中菜軒

對於我這個前kitty粉來說，今晚同個老友來到Hello kitty 中菜軒 ，心底裡還是覺得好興奮！

內裡真是好多吉蒂貓呀！無論是座位定枱面還是擺設，全部都是吉蒂貓的踪影呀！簡直是謀殺我好多菲林，呀唔係，係數據至啱！
裝潢設計沿用了比較中式的格局，而且大部分用上木椅木桌，配上非常卡通的吉蒂貓，呢種crossover,真予人一種古典和現代完美融合的感覺！

餐單上的點心大多以kitty貓的造型為主，吉蒂迷要瘋狂了吧？！我旁邊坐了枱說韓文的兩位女士相信是韓國人，果然喜歡吉蒂的是全球化的！

來到呢度，點都要試下用kitty個樣主打的點心系列吧？！唔係點算來過呀？！呢款咁得意，吉蒂白雪雪塊面脹卜卜的，其實是流沙包來的！一籠有三個，同平時的份量差不多，不過加左啲眼耳口鼻之後就貴好多了！一籠要成48蚊，鬼叫阿kitty個樣咁維肖維妙咩？！真是每個都是心機錢，貴小小都無辦法，所以我唔洩底地同kitty忘我selfie一輪，攪到個包凍曬先來食😂😂
所以我食嗰陣個流沙包已經變番同普通奶黃包非常接近，但明明我朋友食嗰陣是有流心效果的！😆😆
皮夠薄帶韌性，餡又唔會太甜，剛好，而且無我唔鍾意食的咸蛋黃在包入面，所以我覺得其實是幾好食的。打破了我以為會好睇唔好食的概念。

馬拉盞好迷你，又得意！淡黃色的面龐上那紅色的蝴蝶結顯得格外特出。當然又是selfie行先，味覺行後啦，幸好我們一行二人，否則單是要將那吉蒂環繞一周也玩好耐，到時真是唔洗食了😂😂
軟綿綿的質地，空氣感十足的鬆鬆軟軟的也很好食！

蝦餃可能比較細迷，所以未能全部都是吉蒂樣，得一粒完整和大粒啲，所以勉強可以造成貓樣出來，其他就得隻蝴蝶結。
全蝦肉蝦膠做，所以我都可以放心食，可能有太多年無食過蝦餃了，覺得格外好食！用薄得晶瑩透餡的皮肉，包住是爽而彈牙的蝦肉，個人幾喜歡！

蝦腸比牛腸較有驚喜。其實兩碟都有即叫即製的味兒，因為粉醬的皮造得其實都唔錯，起碼夠曬滑，雖然唔夠薄，不過蒸的時間都拿捏得唔錯，熟之餘又唔會過老，還保持到嫩滑如滑喉的質感。不過配蝦on評分上始終會着數啲，因為蝦爽口的質感會提升到層次感和增潻鮮味！

食完點心，喺時候試埋小菜~
呢款叫金甲藏龍的小菜個名好架勢，同kitty好唔襯下😂😂其實是魷魚釀蝦膠~估唔到仲幾好食下！
輕輕炸過，所以有好靚的金黃色出現左，不過一點油膩感都無，味道帶小小椒鹽香，咸咸地好夠味。而且將兩種都彈性十足的食材魷魚同蝦膠放埋一齊，估唔到咁有火花！有種相輔相成的感覺，魷魚夠彈但口感較淡，蝦膠夠鮮但未能獨當一面，加埋椒鹽吊一吊味，整件事，兩個字：完美！😄

不過呢個碧綠炒帶子就令人有點失望了！帶子是ok嘅，要鮮有鮮，要甜有甜，原本配蜜糖豆是很不錯的配搭，可惜那蜜糖豆在事前處理上有點欠缺小心，食起來有殘渣就令整個菜失色了！

還好最後的蟲草花蒸豆腐龍躉球板回一城。
豉汁配兩款都滑溜溜的主菜，感覺相得益彰。龍躉肉帶小小實淨的口感而不失嫩滑，啖啖肉的口感又唔怕要吐骨，。而豆腐又吸收了豉汁的味道，清得來又夠味，所以好好食！