公主級的享受@小蟻人

6月 23, 2016

公主級的享受@小蟻人

其實我覺得自己都有小小公主情意結，不是說我有病喇，就是有種想成為公主般優雅和就是喜歡那種典雅的、英式的環境地方而已。

今晚用餐的地方位於地窖，一走進內，就有種歐陸式貴族的風情，無論是裝潢，桌椅，或是牆上的裝修和掛畫，予我有種像是走進了城堡中的感覺。

城堡中上網幾乎不行，還好餐廳有提供免費wi-fi,下次可以帶埋部腦，再來tea番一整個個下午先！

雖然呢度地方骨子，想不到價錢又幾親民喎！我點了的炭燒安格斯肉眼扒配忌廉薯已經是最貴的一個set dinner了，收費都是228元，包了餐湯或可選沙律，再包多杯餐飲，收費算好合理。如果唔食朳，普通來個飯呀意粉呀咁，都是100元鬆啲已經有交易，環境和收費完全不成正比。非常推介小情人來呢度拍拖食飯。做男仔嘅又唔洗擔心個荷包，又可以帶到個女朋友去靚小小的地方食晚餐，個女朋友見到呢度環境有格調夠，最正是呢度連甜品都冧死女㗎，一定會好高興！

個咖啡我加了20元轉了做latte,味道夠濃不過奶方面不是好夠，同普通咖啡無分別，下次我都是慳返20蚊罷啦，還好有再提供全脂奶，口感立刻順滑曬！
至於磨菇餐湯尚算可以，菇味都夠，又食到有微量的磨菇肉，忌廉和湯的比例亦處理得唔錯。

小食也點了個椒鹽墨魚圈，48元來說算好大碟下，旁邊仲有幾棵菜食下，賣相都幾靚。不過墨魚圈個粉做得唔多夠薄，所以無乜外脆內軟的口感俾到我。還好墨魚夠鮮味，而且份量夠大碟，也ok收貨啦。

主菜都等左一陣先有得食，朋友那個遲過我點都食緊，見到炭燒安格斯肉眼扒配忌廉薯個真身我就明白點解了。

先講左塊牛肉眼扒先。個網紋好shape醒，而且塊扒堅大塊，肯定大過或等於我塊面咁上下，望落好吸引！
而且雖然我叫了7成熟咁熟下，但牛扒食落都ok嫩口，而且牛味夠，既然是肉眼位置又自然帶小小嚼勁啦，就是呢種唔韌但富有彈性的口感令我鍾意食肉眼多過西冷~😍唔覺唔覺就俾我食曬成塊！

睇完呢個千層忌廉薯我立刻明白點解我個扒要等一回，係值得等嘅！睇到佢一片又一片堆成一座千層塔咁，花的心機唔講得笑！再在薯頂上放了焗過的芝士，帶着淡淡焦香的味道，一般平時食到的薯菜邊度有得比呀？！
所以平時係唔會點食配菜的我，也立刻起筷！
芝士味道和薯仔真的好夾，薯仔可以減低芝士的油膩感，而芝士又提升了薯仔的味道，等佢無咁單調，配合得好好。