15週年紀念日@七福神

每年週年紀念指定動作都是來這裡慶祝。點解咁情有獨鍾？可能專一就是我們15週年的秘訣吧！

說笑吧了！是因為來七福神食日式料理可以不看價錢開懷和儘情地點菜也完全不用顧慮價錢吧？因為這裡反通脹地食物價錢便宜到飛起而質素反常態地非常ok,啱曬我呢啲平民百姓食餐勁又good good地嘅！

一如既往，每次來呢度都爆到瀉，所以一定要book位，否則唔洗指意有得食！咁這麼重要的日子我當然有book枱啦！

來到七福神一定要食嘅名物當中我十分推介活赤貝刺身， 因為這裏的活赤貝刺身隻隻都拳頭咁大隻， 絕對係上等貨和非常抵食！ 而且這樣的好貨色才收40多元一隻， 真是去到鷺梁津都找不到這樣便宜的價錢！ 而且赤貝夠厚身外加爽夾甜！
所以我們都要每人一隻，大啖食，好味！

配合埋這款刺身雜錦拼盤，就可以以優惠嘅價錢一次過食到幾款刺身， 包括生蠔一隻 、翡翠螺兩隻 、甜蝦刺身三隻和三文魚刺身三件！

 完全抵到暈低咗！ 款款鮮味！簡直係味覺大享受！

前菜三寶，包括中華沙律、芝麻八爪魚和辣味肉螺肉亦很有人氣， 如此隨街可見的菜式竟然有人氣？

 因為這裏的芝麻八爪魚和辣味螺肉隻隻都大大隻。 唔知以為係巨人國走出嚟㗎！

今日的鹽燒三文魚頭好像有點細隻了， 不過燒得都好香口， 充滿鹹香鹽味， 而且燒過的三文魚肉肉質滑到不得了！ 塊魚皮就脆卜卜，好惹味！

這裡的軟殼蟹手卷抵食到暈低！ 睇下啲軟殼蟹啲腳仔幾長， 啲腳仔插到落個手捲個尖喙度 ，加埋脆卜卜嘅紫菜，唔，好味仲要打孖來，都只係38元！

第一次食呢度嘅蕎麥麵， 口味好像重了點， 而且麵條煮得有點糊掉了， 加上應該沒有過冷河， 整體嚟講未達水平。

酥炸墨魚咀口感獨特， 金黃色的外層炸得薄身脆口， 而墨魚仔有豐富的彈性，好夾又好味！

炸物類又點少得天婦羅呢！ 這裡的天婦羅外層炸得金黃鬆脆， 正正是皮薄餡靚！ 而且大蝦勁大隻 差不多有我整隻手掌般長，食到我舔舔利！