滋補鴨湯配補血鴨紅@金撈老鴨湯刺身火鍋專門店

民以食為天 ，今日我專程來食馳名的金撈老鴨湯， 據說這個湯非常滋補， 啱曬我呢啲體虛人士！

這裡除了主打的招牌老鴨湯底之外， 還有很多選擇例如醉雞鍋等， 不過一場嚟到這裏一定要試下老鴨湯，據說每隻鴨都以慢火慢煮幾小時， 所以個湯底不單止鮮甜， 仲有豐富的精華所在！

淨係睇見都已經覺得好滋補了， 香濃嘅湯底配以 半邊老鴨。
打邊爐之前一定要飲返碗靚湯先， 尤其看到店家將那老鴨像使出脫殼神功的，輕輕鬆鬆的在湯裏 夾兩下已經可以骨肉分離！足以証明老鴨已經被煮了很久很久吧！
果然湯好甜又夠曬味，而且是落足料，簡直值回票價！鴨肉還可以沾自家青椒醬同吃！味道更佳！

品嘗完這麼美味的老鴨湯就可以打邊爐， 打邊爐一定要配靚牛肉啦！
招牌本地手切牛頸脊就啱曬喇！新鮮牛肉係零捨不同，那份鮮嫩的紅色完全不是冰鮮可以俾到我！

而且肉味特濃，加上淡淡的油花香，記得唔好灼太熟呀！大概10秒左右就可以了，食到嫩滑口感之餘又唔會太膩，正！

特製鴨紅又是另一必食之選！有良好的食療功效，性寒，有補血解毒之功效！
除了食療功效得之外，口感和味道都好得架！煮完都保持到那實在的線條，不會鬆散開來，而且口感好Q彈，好似硬啫喱般彈下彈下，而且味道一啲都不會腥，還帶甜味，証明好新鮮下！

呢度啲手打丸都值得一讚！好似手打墨魚丸拼手打蝦丸咁，真的粒粒都好鬼好味，粒粒都好鬼彈牙！尤其鍾意蝦丸夠曬鮮甜蝦肉味，好似一次過食緊10隻蝦入口咁正！

黑椒牛筋丸有點辣得過癮的感覺，每粒都是香濃牛肉味和爆多黑椒的配搭。

仲有打邊邊最愛美國桶蠔一定不能錯過，因為呢度啲蠔夠曬大件，簡直一口吃不下，而且隻隻脹卜卜，認真夠曬肥美！蠔味仲爆登tim!

而家仲有推廣，打卡可以任選鴨血，竹笙，紫淮山其一！
三週年做緊特價promotion, 平日有85折，如果九點後有75折！