燭光靚景慶新婚@Chelsea Garden & Restaurant

結束愛情長跑後新婚了， 今晚準備要好好食一餐慶祝一番！ 話明要食餐好嘅， 所以情調和環境和食物的質素當然要有番咁上下啦！朋友介紹我來的呢間法國餐廳，說有齊以上種種元素，一於要來試下！

果然上到來覺得環境真的不錯， 座位舒適而且彩的間隔不會太迫， 咁就就不怕談心事時會被隔離座的聽到尷尬啦！

而且還設有露天座位， 情調十分好！ 完全啱曬我男朋友，呀，要改口叫老公了(≧∇≦)，方便他食完飯，再摸住酒杯底嘆支煙！

見到有個海鮮拼盤 ，有好多款時令海鮮， 而且份量都夠二人開心share食， 叫一個拼盤樣樣都有啲唔使諗唔使煩， 又樣樣都試到！

Seafood Platter: Oyster 2, abalone 2, diamond clam 4, crab claw 2, ocean shrimp 4, scallop 2, sea whelk 2

足足有成七款海鮮！ 睇見都開心！ 有我最鍾意食嘅生蠔， 生蠔非常鮮甜，而且沒有半點沙殼， 推介配埋店加自家製的蜜糖咖哩，味道一絕！
再食埋爽口彈牙的大隻海蝦， 肉質肥美夠曬厚身又彈性十足的鮑魚， 還有肉爽味甜的翡翠螺， 更加不得不提那特級的3L帶子刺身,開了邊都有成半吋咁厚！

食完一個令人非常滿意的冷盤之後， 接著便是主菜時間！ 我們喜歡點兩款不同的肉，再分享一齊食！ 可以一次過試多啲款式和口味喔!

這道烤嫩羊胺配雜苺汁一出場，還真叫人的視線離不開它呢！ 泛着那殷紅的雜苺汁的羊肉， 霎眼間 以為還富有生命力一樣；交錯的羊架排列起來彷如一封3d的畫面；再見到每一支骨上的肉碎都處理得乾乾淨淨，就可見到大㕑對烹飪的一絲不苟的專業態度，未食就知道一定好食！

果然羊胺入口嫩滑非常，不要看到那紅色的以為是血淋淋，其實是雜苺汁來的，肉質介乎在5-7成熟之間，保持到有點點嚼勁但絕不鞋口，有種食自由放牧的高級草原羊的感覺！加上淡淡的苺味不太酸又來點甜，正好調和羊羶味，使得既保留體香又不會過羶！

食完羊就食牛！燒美國牛肉眼扒半煎烤牛肝菌是非常推介之選！ 而且廚師知道我們是share食的，還特意先幫我們切件分好，令人感覺格外窩心呢！

熟成剛剛好的燒美國牛肉眼扒中間還呈現出粉嫩的膚色，如泛着紅霞的少女般令人垂涎欲滴！加上肉眼牛味特濃，倍覺享受！而且呢塊扒兩端有油脂，不但肉質更嫩，還透出牛油芳香，一啖又不啖簡直好味到停唔到口呀！

至於side dish 的半煎烤牛肝菌都有驚喜，香濃的菌香加上大堆頭，也很不錯呢！

不太好酒精的我們叫了兩杯mocktails，
Cran-dandy cooler以
Cranberry juice, pineapple juice, lemon juice調配， 酸酸甜甜令人格外開胃，食慾大增！

而Chelsea punch則以Mango syrup,  pineapple juice調配， 兩杯的味道都有點相似， 完全感覺到夏威夷熱帶風情在內， 消暑解渴一流！

Chelsea Garden & Restaurant
4/F, UQ Place, 7 Austin Road, Kowloon, Tsim Sha Tsui, Hong Kong