逢旨去“滾“(≧∇≦)@滾得喜火鍋專門店

無論是一大班人， 定兩小口子拍拖 ，我都好鍾意選擇打邊爐 ！ 大吃大喝的兩小口子尤其喜歡吃放題打邊邊， 一來可以試得多款啲 ， 二來放題有預算食得特別開懷！

 今日就來到滾得喜火鍋專門店食至尊2小時任食火鍋！

這裏的火鍋放題有兩款選擇， 可以選擇一般178元半自助任飲任食， 或者248元至尊半自助任食！

我們揀選了有四重奏的自尊任飲任食！ 是一個非常抵食嘅放題，有齊海鮮！肉類！蔬菜！雞煲！ 刺身等等元素！ 勁過kindle出奇蛋多多聲！

一開始會先食左滾得喜招牌雞煲先， 雞煲還可以無限追加， 就算有朋友仔前後腳到， 都唔使驚來到無雞食！

之前我就係試過有朋友前後腳到，卒之六個人叫了三個半分雞，超唔抵囉！ 所以這裏雞煲無限叫，簡直係超抵囉！ 不過非常建議大家食咗後邊嗰啲先， 因為海鮮拼盤同刺身拼盤份量都好豐富， 一尾掛住食雞就食唔到後邊同樣好精彩嗰part㗎啦(≧∇≦)

一邊食雞煲一邊上咗個刺身拼盤， 刺身拼盤包括有三文魚刺身、希靈魚刺身、八爪魚刺身、甜蝦刺身、帶子刺身和北寄貝刺身。刺身拼盤一次性，不過之後可追加三文魚刺身、希靈魚刺身和八爪魚刺身。

食落都覺得非常新鮮， 而且款式之多令人有點喜出望外， 最難的還是有三款可以再無限添加！ 鍾意食三文魚刺身的我表示十分滿意^^

再來就是正式打邊邊時間~可以任選一款湯底。 包括鮮奶花膠、杏汁白肺鹹菜豬肚、蕃茄牛腩、四川麻辣、足料豬骨、皮蛋芫茜、藥膳鍋、清湯、沙嗲等以供選擇！ 向來滋補養顏嘅我。當然選擇了鮮奶花膠湯底啦！

點好嘅火鍋配料未到， 一個一個非常靚仔嘅海鮮拼盤已經呈現在眼前 ！海鮮拼盤就算見二人份量都好有睇頭！包括有東星斑片四件 、兩件東星斑斑腩、半隻大膏蟹、兩隻大蠔、兩隻大青口和四隻大蜆！

 估唔到嚟到放題食飯都有東星斑食， 而且這個海鮮拼盤食材新鮮， 而同時選料上乘， 連我那個奄尖老公也笑逐顏開！

超過成60款食品供應，另外汽水及指定啤酒更任飲！真是要有兩個胃先試得曬(≧∇≦)
任食選項包括花膠、白鱔魚片、蟹肉棒、魚皮餃、芝士腸、芝心包、龍蝦丸、芝心豆腐、潮州魚蛋、黑椒牛丸、墨汁花枝丸、芥末湯包丸……單是丸丸都勁多選擇！

花膠和白鱔魚片唔洗講一定係必食item啦！ 淨係食呢兩樣都夠我回本喇！ 尤其是放題好少有白鱔魚片食， 但係我真係好鍾意食㗎！ 所以呢到有得任食，超開心囉！ 而且呢度啲花膠和膳片雖然細塊啲，但是勝在夠新鮮， 在牛奶看的浸淫下顯得格外嫩滑！

肉類方面選擇亦都十分多！包括黑豚肉、羊肉片、肥牛片、牛栢葉、鵝掌、脆骨腩、豬潤、雞件、雞公子、墨魚滑、鮮蝦滑、脆魚腩、韭菜餃、豬肺、豬皮、豬紅……

蔬菜方面有秀珍菇、鮮冬菇、雞髀菇、金針菇、粟生、蕃茄、秋葵、豆腐、支竹、腐竹、蘿蔔、冬瓜、南瓜、蜂巢豆腐、響鈴、粟米、淮山、稻庭烏冬……
或者直接由大廳的蔬菜雪櫃一籃子地提取也可以~ 而且這裏的飲品也是無限供應， 最啱識飲識食嘅我！
這裡至尊雞煲放題令人十分滿意， 尤其新娘全部都大大分！上至海鮮下至雞煲，啱曬大胃王一定唔會唔夠飽！(≧∇≦) 而且只需二百幾蚊已經食到高質素嘅新鮮海鮮， 這樣的良心小店已經好難搵！我决定要支持支持！多啲來食先得！