今晚有足球賽事， 而我又想打邊爐， 於是我們決定去有波睇既餐廳！所以來左百利火鍋海鮮酒家打邊邊！
呢度平時都好旺，有波睇更必定爆場，所以真係要早少少嚟攞位！ 我鍾意呢度唔單止可以就到男朋友有波睇， 而係因為呢度啲火鍋配料款款都好新鮮，而且又抵食(重點！(≧∇≦)）
而且這裏的特色火鍋湯底有好多選擇， 除了一般清湯沙嗲芫茜湯等等之外， 還會有些特色時令推推介之選！ 番茄蝴蝶牛腩湯、 薑蔥腐竹鯇魚湯、蕃茄薯仔排骨湯 、澳門豬骨湯、 海底椰子鮮雞湯…… 非常多元化選擇，總有一款合心意
現在正是炎炎夏日 ，又要打邊爐又怕熱氣嘅我們最啱就揀呢款瑤柱冬瓜田雞鍋！ 消暑冬瓜迅速解熱氣 ，食番兩件下一下火先！ 不過估唔到會配田雞(≧∇≦) 但係我又覺得好正喎!因為我鍾意食!
一打開個餐牌就見到必食石灣蝦公魚腐， 所以就試下！ 估唔到幾十蚊竟然有一大碟魚腐， 有少少意外驚喜！ 扁踢踢魚腐同我心目中嘅樣子有點不同， 不過出奇地覺得幾好食， 少少煙韌少少彈牙，有點像魚蛋版本山根， 如果攞來加入麻辣湯到一定好鬼正！
68蚊招牌四寶丸肯定是必食推介之選！ 因為四款完全部手打， 粒粒即日人手新鮮製作， 自然更有鮮味和彈性喇！ 四寶丸包括豬肉丸、牛肉丸、鯪魚肉丸和墨魚丸！ 最好食我自己覺得係墨魚丸， 尤其鍾意當中有墨魚咀， 除了令成粒軟更有彈性之外還更添口感！
人氣脆響鈴亦是開心價28蚊！ 價錢非常親民， 但絕不會將貨就價嗰下正！ 每一條都脆卜卜， 一放湯2秒就即食， 那時候剛好既軟又脆就最好食！
打邊爐有點可以無牛肉呀！ 我們揀了安格斯肥牛和本地嫩滑牛肉！
見到那層層有致的雪花紋理， 在那鮮紅色上伸展開來的模樣，真令人有種吞噬一切的欲望！驟眼遠看還真是好似一朵盛開中的花朵一樣燦爛！ 果然不負安格斯肥牛之名！
將那略帶肥膏的肥牛肉片放進口內， 滿香四溢的油脂在咀肉翻起了百尺千頭浪，夾着那停不了的牛肉芳香，令人不禁陶醉了！原來不飲酒，食油都會醉架！(≧∇≦)
無論你揀咗安格斯肥牛定本地手切肥牛，本地嫩滑牛肉都必然要試埋！ 千祈咪睇少這個只需四十八元的本地嫩滑牛肉， 認真好好食，試過包你唔會後悔！ 不要以為本地牛肉沒有肥膏就認定佢難食， 以我出名對牛肉奄尖嘅舌頭來說， 這個絕對得到我嘅認同！
須知道牛肉對我而言，如果太鞋就好似食樹皮，如果太韌就好似食橡筋， 而且這塊沒有一丁點肥膏的牛肉， 又因為認為不是上等，所以我把它滾了好久 ，保證熟透才吃！ 但想不到竟然嫩滑非常， 不單止有好香濃嘅牛肉味， 亦由於沒有多餘的肥膏，食起來較沒有罪惡感呢！ 而且價錢親民到無朋友， 食多幾碟都唔會肉赤啦！
酷愛食魚的我也點了一碟新鮮鯇魚片自私食！ 由於男朋友不愛吃魚 。所以如果叫魚類通常都係自私食！ 呢度自私食最正！魚一碟才28蚊，剛好一人份量多一點， 價廉物美又唔使驚食唔曬做大side鬼！
每一片都好新鮮， 中間紅心點還是鮮嫩的紅色， 不是哪些擺好久已經變了啡色的模樣喔~
所以食起來格外滑嘟嘟， 用筷子一夾還會輕輕散掉出來呢~鮮味自然好味＼(^o^)／
最後千祈唔好唔記得食埋湯底嗰啲田雞腳！ 滿滿一鍋湯底， 滿滿一窩大腿！正！
留言
張貼留言