蘋果木煙熏法國鴨胸@Chalet

去蒲唔一定落老蘭！荃灣都可以有好地方！無論格調氣氛裝潢音響，都不輸中環靚場！

在這裡，可以好relax咁嘆番杯生啤，整兩塊墨西哥脆片送下酒，又或者來個二人晚餐談心時間！

而且這裡價錢唔算貴，都係荃灣的價錢有中環的享受，唔怪之得晚晚都咁爆啦！

 我就係來食晚餐嘅，所以就揀番set dinner 就最揾陣，set dinner一般百多元到二百多，已經包埋是日餐湯、 appetizer同甜品，好啱我呢啲小資女呀！

是日餐湯仲有兩款選擇，可是揀磨菇湯或者南瓜湯，而我當然係揀磨菇湯啦！ 這裏的蘑菇湯入口濃稠，而且刻意將磨菇保留微粒狀，不但磨菇味多香夠湯， 亦使口感更佳！

餐包也並非一般餐包，而是 非常有特色的西班牙油條， 外層香脆， 再浸落啲湯度， 油條貪婪地將湯索曬入去， 既脆且軟的口感格外好味！

 前菜方面可以選擇煙三文魚薄片或煎帶子，酷愛魚魚的我揀左煙三文魚魚~兩塊薄薄三文魚作為前菜也好似有點少，不過加了點點oliver ginger口感酸酸的又幾盞鬼！

 Main方面我揀左法國煙燻鴨胸配紅酒汁甜薯蓉~
上碟之前要揾個罩蓋住啲煙~

 打開個罩，真有淡淡輕煙飄散開來，原來是蘋果木的味道！嘩，二百幾蚊就食到店家自家製的煙鴨胸！！！而且選用高品質蘋果木來熏製，簡單值回票價！

賣相相當之靚！唔講以為係牛朳！法國煙燻鴨胸同平時街市即賣的煙燻鴨胸果然有好大分別！

 法國來的上等煙燻鴨胸才能以5成熟來上枱都唔會怕食壞人，不但保留了鴨香，還滲透了蘋果木的清新煙火味！而且食落特別juicy,肉質特別嫩口，又唔會有羶味！而且份量一點也不吝嗇，是一整隻鴨的胸都俾曬我！正呀！而且聽說鴨的不飽和脂肪好豐富，又是低脂的胸部位置，食多多都唔怕肥呀！

Side dish的甜薯蓉原來即是紫蕃薯，煮到好淋好creamy,入口質感勁似軟雪糕！同樣超正！

今晚個Dessert係奶凍，或者揀泡乎又得，奶凍唔太甜，夠奶味，ok ar!