必食響朵喇沙!@馬德里餐廳

說起來我和馬德里餐廳是有點緣分的， 住的附近有一間返工附近的又有一間， 個人認為這間餐廳水平幾好， 而且價錢大眾化， 地方夠大坐得又闊落舒適， 我和同事們都很樂意來這裏午膳！

來呢度食晚餐多數嗌鐵板餐， 一來選擇多，牛豬雞魚樣樣齊，而且鐵板餐還包括餐包，飲品，湯 和可以配意粉或飯或薯菜， 價錢不過是一百元多少少， 水準亦高絕對係經濟抵食之選！

餐湯可以選擇粟米忌廉湯或羅宋湯， 當晚我選擇了粟米忌廉湯，忌廉湯質感非常 creamy， 而且超足料， 每一口都是粟米和蘑菇香氣！

這裡的餐包也十分講究，是牛角酥喔！ 還可以免費加配牛油，非常讚呢！

點餐還可以以優惠價加28元換購蜜椒雞中翼！ 這個非常抵食一定要嗌呀！ 首先雞翼超大隻， 而且超多蜜糖醬， 原來蜜糖漿配黑椒好好食㗎！ 仲要炸到個皮好香脆， 雞翼迷如我也表示無可挑剔！

有食過馬德里餐廳的人都會知，呢度嘅喇鯊係好出名架！本身麻麻地鍾意食喇沙嘅我都覺得完全贊成！因為係好食到會掛住架！

今晚就食左雞扒喇沙湯金邊粉~
㗎喇沙湯粉除左右主角雞扒之外，還有一大堆豆芽菜，㗎喇沙湯粉除左右主角雞扒之外還有一大堆豆芽菜，豆卜和魚片。 配菜可謂超豐富！

就解呢度嘅喇沙湯底夠曬杰身，椰漿落足料但係味道又唔會搶過喇沙味，還帶少少咖哩香，加上金邊粉勁索汁，但仍然難得地保持到十足的彈性，真係好食到不得之了！就算馬來西亞餐廳都未必食到咁正宗的味道！

除咗金邊粉話明來親呢度都要鋸扒㗎嘛，今晚我們就選擇了肉眼牛扒配蒜蓉汁加配墨魚餅白飯~

塊扒堅大份，而且成吋厚，完全夠兩個人開心share架！而且配的白飯仲要係大碟另上，而唔會好似一般餐廳咁求其俾兩啖你就算，就算大胃皇都無有怕食唔飽架！

而且牛肉眼非常嫩滑，竟然有小小和牛feel,真係唔講得笑！不過食落牛味好濃，又唔會太油膩，我其實係鍾意食喔種多過和牛架囉！不過，平時餐廳啲扒好多時唔夠淋，估唔到呢到俾百幾蚊已經食到我要求的質素，超開心呀！