$18嘆即燒活鮑魚😍野川拉麵の深燒食堂

$18嘆即燒活鮑魚😍野川拉麵の深燒食堂

我哋最鍾意約落嚟深燒食堂呢度食嘢，因為呢度食物種類選擇超多，有壽司有串燒有韓式鍋有拉麵，仲有特色啤酒可以得閒㗳兩杯，自己鍾意食咩就食咩唔使就人哋😂啱晒成班人落嚟吹水打躉。

而且成日有折扣優惠，今次落嚟讚好及分享Facebook又有一堆食物有半價優惠😎

今次我揀咗少少壽司嚟食#三文魚壽司🍣#赤蝦壽司#赤貝壽司 ，因為全部做緊特價中， $9兩件三文魚壽司，雖然特價，但係食材新鮮，三文魚肥美赤蝦鮮甜👍

呢度啲串燒又係好鬼正，點了 #厚燒牛舌串 #燒豬頸肉串#招牌雞翼串 #燒黑豚肉五花腩 #鰻魚串 #大頭蝦 #活鮑魚 #穀飼牛仔骨 。

鮑魚講緊$10一隻咋，而且仲係新鮮鮑魚，size 都有番咁上下，唔係細蚊仔嗰啲，食到非常鮮甜同埋彈牙嘅質感，超級好味強烈推介！

鍾意食爽口嘅就推介一定要食牛舌同埋豬頸肉，夠晒香夠晒惹味重夠晒爽口，送啤酒真係一流👍

我就鍾意食香噴噴軟淋淋嘅肉，黑豚肉五花腩同鰻魚就啱晒我啦！平時食五花腩感覺會比較油膩，呢度個五花腩本身黑豚關係，肉質比較清香，所以炭火燒過去油，將油花和瘦肉mix在一起，食落一啲都唔油膩淨係食到軟綿綿嘅質感，超級享受👍

✨野川拉麵の深燒食堂✨

地址: 元朗又新街40-48號榮豐大廈地下B號舖