韓燒。極上享受套餐

鍾意吃牛嘅兩公婆，今日又去韓燒😎成日嚟呢度食，貪佢就腳之餘，牛肉質素有保證，仲有我最鍾意食嘅爐邊蛋同埋粟米芝士！連埋前菜全部都可以無限refill,勁正！

今日嚟到見到有新餐牌，就叫咗個極上享受套餐試吓，$700套餐嚟講有齊極尚蔥蒜牛肋骨、鰻魚、牛舌、la骨、韓牛前胸肉、彥陽牛肉、大啡菇，真心抵食👍

蔥蒜牛肋骨真係勁多蔥同埋蒜頭，而且呢個部位一向出名肉質夠軟綿綿，又keep到彈性，食起嚟真係格外香噴噴好享受😎

la骨係醬醃製過，調好晒味，肉肉嗰邊就老公鍾意食啖啖肉，有骨頭嗰邊就我最鍾意食，筋位燒完彈牙好口感！

第一次食彥陽牛肉，原來肉質好軟綿綿，最正係脂肪唔多，所以減肥人士都可以放心食👍

剛巧三伏天，韓國人好鍾意呢一日飲人蔘雞湯，呢度個雞湯好濃郁，雞肉軟綿綿一咬骨肉分離，雞殼裏面仲有好多糯米，吸收晒雞嘅精華，同埋人蔘嘅精華，吃起來超強人蔘味！滋補又好味😋

#炑八 #炑八韓烤 #Meokbangbbq #먹방 #韓燒 #燒肉 #韓國菜 #韓國餐廳 #韓國燒烤 #韓國料理 #韓牛 #無限添加爐邊蛋 #韓國直送食材 #koreanfood #韓國美食 #香港美食