連刺身都有幾款得食@_@爺爺雞煲王

識我的朋友都知我勁like食雞煲，無視熱氣無視爆瘡，總之食左先算！男友已經同我食到怕怕，所以今晚是girl's night^^
看到張落單紙，覺得這裡和平常食雞煲的地方有點不同，因為這裡的菜式款式超多元化，無論是之後打邊爐的食物，還是開胃小吃，更有時令刺身，而且仲要係多款~三文魚啦、劍魚腩啦、甘海老啦、海膽啦、牡丹蝦啦，不下十數款！

不過食雞煲就雞才是主角啦，因為朋友不嚐辣，點了個微辣來試，個汁幾濃有小小香，雞好入味完全變成啡色的，可惜唔夠滑，如果滑啲就更好。

食完雞，先來點開胃小食，這款八味金磚脆豆腐簡直食唔停口呀！又脆又薄加小小椒鹽同炸到啱啱好金黄色的感覺，一咬開，又軟又滑的豆腐，兩種口感，配合好得不能再好，完全愛上這個磚頭呀！
而響鈴是即叫即炸的，所以保證新鮮，而且夠脆，一食完雞放湯前先浸響鈴，濃濃的汁被響鈴完全吸收！好味到不得了！

在等水滾的時候，就是刺身時間了！甜蝦夠大夠甜，三文魚夠肥夠厚身，每款都好新鮮，最正是竟然有櫻花魷魚，超甜口感，滑而鮮的味道，一放入口就好像要滑落食道，當然我不會容易放過它，要細意感受每一小條的甜味才會吞的！劍魚腩肥美的程度也不得不提，就好似食緊魚肝油魚的感覺，一咬下滿齒魚油香！令我忽發奇想，不知煮起來如何呢？正好水滾就放了一片劍魚腩試下煮來食，點知煮過的更更好食，就好似食緊超級和牛般，入口即融不在話下，但魚油和魚肉交織出異常的層次感，而且魚油經過熱力，變得更容易在舌尖上化開，佈滿每一個味蕾，是好食到不能言語來形容的！接著我立刻放埋其餘的要再三回味呢！

牛肉方面，揀了牛肩肉和手切，牛肩口較有咬口而且肉味濃郁，而手切就較嫩較滑但牛味較淡，兩者我較喜歡牛肩肉呢！

脆魚鯇切得夠薄，食起來果然夠脆，而且一看它晶瑩通透就知好新鮮。特大翠玉瓜煮起來比小的翠肉瓜更好味，因為外皮仍脆肉則夠軟，一次過兩種口感呢~牛坑腩原來用來煮雞煲都幾好食，非常受大家喜愛。


contact me:

電郵地址：halloshadowking@yahoo.com.hk
instagram:http://instagram.com/shadowccheung
歡迎加入fanpage :https://www.facebook.com/Shadowcblog

my share platform:

<google+><Fashion & beauty><Beautylife><The ztyle><Beautyexchange><Blogspot><she.com><Imore>
<Lady Qooza><qooza beauty><weshare>