抵食好食羊腩煲*^O^*稻香超級漁港

就在我家附近商場內的稻香，我久不久都會來幫襯下，一來近，二來心血來潮相食蒸魚時，落酒樓食，不用買不用煮不用洗，而且，去稻香吃龍躉兩吃才二百多，叫埋白飯，夠曬飽！

在這裡住了十多年 見證了相同一個位置的酒樓 輾轉轉手了幾間， 都是人客太少以致倒閉的，稻香算人流較多。 可能真係之前個幾間實在太難食， 有時我寧願去 荔枝角或者深水埗的酒樓食晚飯。

講返稻香， 今日落嚟見到有冬季折扣， 平時食開的龍躉兩吃今日有七折，正！ 既然平左就順便買多個羊腩煲黎食， 順便暖下個胃！

羊腩煲都算平，呢度148元一個，如果加菜就加28蚊，不過我驚食唔曬，菜就唔要啦，反正會有支竹呀冬菇呀…

估唔到個煲都幾有份量！平時食288嗰啲，羊得好少，配菜都唔多，稻香呢度都幾重手，吃緊唔完的支竹和大大粒冬菇，馬蹄呀竹筍呀一大堆和羊腩都有大約十件左右。
羊腩都好腍，而且多數有皮，仲有兩隻腳掌吮下羊骨都幾過引！總的來說都好滿意！

至於個龍躉兩吃，第一吃是炒球，今次放了湯，龍躉吃落啖啖肉，肉質較結實而不韌，味道也鮮，唯有時有點魚鱗未清乾淨，就失了分數。

另一吃是豉汁蒸，就是將起完肉炒了球剩下來近的骨位魚頭等蒸埋食，一點也不浪費，而且還好好食的！

因為蒸的話肉質會保持到嫩滑，而且還鋪在魚蛋片上蒸，既無咁易黐底，又多一款食物食！整體令人滿意！
屋企附近有間稻香超級漁港都幾好~
稻香超級漁港 (長沙灣)
地址 : 長沙灣發祥街10號李鄭屋商場301號舖
電話 : 8300 8171
網址 : http://www.openrice.com/hongkong/restaurant/長沙灣-稻香超級漁港/158910