蒜味炸雞超好味@Sodam Chicken

炸雞和啤酒，自從睇完星星之後，我時不時都想起要食。從前，去韓國必做之事，現在，在香港也有很多以炸雞為主的店，想隨時隨地幾時食都得！

這裡主打炸雞和焗雞，還有十款左右的食物選擇，款式不算多，專注做炸雞。
炸雞和焗雞款式倒是挺多的，每種都有4款，有辣到噴火的，也有不辣以蒜味為主的，而焗雞就相對無咁熱氣。

裝修非常韓，而且長期播放k-pop中，感覺就好似親到韓國般呢！近期hit爆的宗基oppa在電視上陪我吃雞呢！

每張枱都放了一個桶用來放骨，同埋大量即棄膠手套，食雞不怕弄髒手，如果準備埋紙巾就更完美了！

我們點了濃蒜炸雞，炸雞好快就炸起有得食，才不過三數分鐘光境。外型亦好吸引，在炸到香脆的雞塊上放了濃蒜醬汁，雖然見到有紅辣椒，食落一點也不會辣。

我覺得炸雞比焗雞食落嫩好多，雖然焗雞好似無咁熱氣，不過既然食就唔好唸咁多，要食就梗係選擇好吃的！而且炸雞塊皮都是精髓所在，炸得香脆香脆的，食的時候真是滋味到極！
也想不到原來蒜味和炸雞是好夾的！不單將雞味提升了，食落又覺得無咁油膩，唔覺唔覺真是食左半隻呀！

小食拼盤比想像中豐富，有炸紫菜卷，有炸薯角，有炸芝士波~而且份量都算多，三五知己開心share都足夠分。

炸紫菜卷最好味，將薄薄的紫菜炸到脆一脆，而包住的飯就腍一腍，口感層次分明有對比，味道又好吃，不會有油益味，個人幾like.

薯角還可以，都是外脆內軟咁，不過薯角薯味略淡，而且薯皮有點硬，相對較遜色。

炸芝士波一定要襯熱食，第一粒感覺還可以。但一凍左小小，因為個粉皮勁厚，一凍左變得好硬，而且原本已經唔係幾溶心的芝士變左膠膠地，已經唔好食了(>﹏<)

因為食了炸雞，所以連平時唔係幾食菜的男友都肯食番個沙律，菜新鮮翠綠加上芝士味濃的凱撒醬，無得輸啦！

大食積的我們最後還來了個泡菜年糕，材料都幾豐富，除了有年糕，還有魚糕、餃子、大量蔬菜(不過都是我唔食嘅嗰啲)。一上桌發現個湯無顏色，原來秘訣是中間那深紅包的醬料，一小醬大碗湯，竟然也火辣得很，所以如果唔係幾食得辣的朋友仔，點左呢個只要將那紅色的醬減少就得了。年糕唔算入味，不過作為年糕粉的我也沒有所謂。

Sodam Chicken
銅鑼灣耀華街3號百樂中心7樓
合作或邀請：halloshadowking@yahoo.com.hk
my share platform:

<google+> <youtube> <facebook> <Beautylife><The ztyle><Beautyexchange><Blogspot><Lady Qooza><qooza beauty><weshare><openrice>

If you enjoyed this article leave a comment and like :D  And SUBSCRIBE! :)

Much love,

Shadow^^