超厚的漢堡多汁好吃@new york diner

友人在附近返工，所以今晚就近近地揀間附近的餐廳醫肚。

西餐格局而且地方幾大又好似幾好氣氛，最重要，看起來都算幾多食客，應該唔會差得去邊，所以我們也坐低食。

餐單上選擇都ok,不過個餐看起來不算好抵，我屈指一算，似將散叫合併但價錢好似唔算平好多。反而散叫main或burger加25塊可送前菜例如沙律和coffee呢個就超級着數了！

所以知慳識儉而且醒目的我就當然係咁做啦！個咖啡同沙律都ok ar,咖啡雖然是house coffee,不過入口都順滑，而且味道亦夠香濃，最抵讚是，個奶是熱的！我最鍾意呢份誠意，熱的奶才不會影響咖啡的溫度和質感，同時不會增加酸度，總之係好好多啦！

呢杯咁盞鬼的其實是熱朱古力上面加了cream再放了oero和薄荷葉，整到成個盆栽咁，幾有趣呀！

食物方面，呢個Buffalo wings水牛城辣雞翼就好似一般。雖然雞翼幾大隻，醬汁用上酸忌廉好似幾特別，不過水牛城雞翼唔夠辣，個皮唔脆但食到粉醬的物體，而且雞翼肉質唔夠滑，全部層面都停留在一般水準。

還好個burger ok好食！加上抵食，又高分左！

President double cheese burger 總統雙層芝士牛肉漢堡 配墨西哥脆片(加25蚊升級至套餐可享是日餐湯或廚師沙律及即磨咖啡)
友人和我都中了呢個包，所以一個配脆片，一個配薯條，share食下。

每一層的牛肉都是厚切，而且非常夠熱，所以塊芝士已經和它們溶為一體了，分不開你我😂
漢堡扒中間還是紅紅地，原來是刻意，因為咁樣啲肉汁會多啲，食起來自然嫩滑點。我食落口，覺得牛肉是熟的，不像煎扒那種紅到生，所以我都接受到，而且覺得係真是比平時食到的漢堡嫩口好多，而且牛肉味重一點又濃郁點，夾埋個包一齊食都唔會覺得乾爭爭或者鞋口，質感上的確略勝一籌！
小插曲：我朋友其實接受不了還是紅紅地的感覺，就要求煮番熟小小，最好welldone咁，店家非常好地索性幫她重新做過一份全新的給她！服務態度100分！值得一讚喔！👍
Any肥，呢間店值得我再來幫襯！

合作或邀請：halloshadowking@yahoo.com.hk
my share platform:

<google+> <youtube> <facebook> <Beautylife><The ztyle><Beautyexchange><Blogspot><Lady Qooza><qooza beauty><weshare><openrice>

If you enjoyed this article leave a comment and like :D  And SUBSCRIBE! :)

Much love,

Shadow^^