可遇不可求的pink色羊(心心眼中)@The grill room

來過呢間好幾次，通常去完event之後同班friend過來開餐閒聊，食物質素好而且環境幾有格調，一早想帶男友來試下，今晚剛巧來銅鑼灣看電影，便帶他來試下這裡啲扒。

一如既往的，每次來都爆場，也不理是平日或假日，幸好我一早訂了座位。

也對，位於銅鑼灣地帶，加上食物對環境對，情侶們撐抬腳最講feel,在這裡慶祝節日也不失講究。

加上餐廳每日都有驚喜給客人們，好似星期一就每叫兩款晚餐就有100元折價，Thursday night ~Ladies night 當叫了一個set dinner就可free sparkling drink 一杯。星期六、日小朋友食嘢免費？有無睇錯？着數都算多！

不過我們就無叫set dinner， 因為本着食甜品不如食多個意粉的心態。老老實實，拍拖頭兩年就話要扮下細食啫，食二両得兩塊牛肉都要話好飽，現在老夫老妻當然出街食飯是要真正顧住個五臟廟啦！於是乎我們散叫了燒牛柳大蝦配薯泥燒菜、香草燒羊架配烤蔬菜和燒大蝦配香草蕃茄汁扁意粉開心share 食~~(算另類恩愛啦(≧∇≦))控制budget之餘又可以食得好食得飽^_^

燒牛柳大蝦配薯泥燒菜以煎pan上比從前放在 砧板上更能鎖住食物的溫度而且感覺整齊多了，細微處見到有不斷改良的心思。
而5成熟的牛柳處理得幾好，牛柳肉本身較厚，四面煎過之後應該有輕輕焗過，否則直徑寸幾兩寸厚無理由紅肉但零血水的，anyway,好少餐廳真正做到半生熟而不是半生不熟。而且牛柳肉質keep到嫩口，未至於即溶當然，好軟腍下外加牛味濃！留意係牛味而不是血味。整體滿意！
兩隻虎蝦亦十分大隻及爽口彈牙！而且細心地已經煎開了殼才烹調，食起來方便~

一見到香草燒羊架配烤蔬菜立時想起一首歌：粉紅粉紅趣致的臉，我說一聲即可飛上天…………haha,講笑😆不過，羊架有呢種可遇不可求的pink色，就證明是高價貨啦！

即是好似黑毛豬咁，高級才可以生，高級才仍然有粉嫩的膚色~
所以見到那羊架，差點相就忘了拍，因為想快點食它落肚呀！
羊肉嫩口、彷如初生的肌膚質感就預料之內啦！而且味道真是只有體香而一點也不會用羶來形容，感覺就好像擁抱着一隻好乾淨的羊咩咩般，純淨和香。不過得三件就好像少了一點，我把骨頭都“損“乾淨呢！😂

至於燒大蝦配香草蕃茄汁扁意粉都ok好食~大蝦又是爽口開左邊同之前那兩隻一樣正！茄汁意粉酸酸的愈吃愈開胃，而且有真茄肉醬，我和男友你一叉我一撮，最終爭食到碗底朝天！

The grill room

銅鑼灣駱克道459-461號The L. Square 5樓

合作或邀請：halloshadowking@yahoo.com.hk
my share platform:

<google+> <youtube> <facebook> <Beautylife><The ztyle><Beautyexchange><Blogspot><Lady Qooza><qooza beauty><weshare><openrice>

If you enjoyed this article leave a comment and like :D  And SUBSCRIBE! :)

Much love,

Shadow^^