食盡海陸空@大喜屋

百吃不厭倦放題應該不只我才會有這個想法吧？
香港人都好習慣放題這種大side鬼的飲食文化了。

不過，食放題都好，我好自律的，真是食得完才會點，儘量不要眼濶肚窄，不做大side鬼，而且也不好食得太飽，免得減肥要還知味道。

冷盤和刺身類永遠都是我至愛！一來是回本之選，因為本身食材成本高，自己買番來食都唔平！二來，冷盤都唔易處理的，有人整好洗好來食就最正啦！
呢度啲冷盤和刺身都幾高質喎，海產類例如螺和青口的肉質都keep都仲是爽口帶鮮味的，而且沒半點腥味，惟長腳蟹一開二予人有點吝嗇之感。

火炙壽司之中，最鍾意食的一定是三文魚腩，因為在火力下，那魚腩的魚油融化後散發出來的魚油芳香，不是一般刺身會食到的香味。而且輕烤過的魚腩更變得嫩滑，深得我心。

海胆手卷則強差人意了！在迷你手卷內，以肉眼很難才捕捉到的丁點海胆，絕對是雞肋般的存在！

熟食方面，黑椒牛舌算得上水準之作！薄切勝在爽實的口感，配上黑椒除了可以減低羶味還潻上幾分辣味和辛香感~

芝士年糕煙韌軟糯，咬開熱乎乎的，而且軟心的芝士樸鼻而來，吃過一次，便從此愛上。每次來，都必定要吃上一顆才會滿足呢！

人蔘雞湯有板有眼， 甚有韓式店子吃到的水準！蔘味頗濃郁，湯也夠清甜，配料也絕不馬虎，真是有半隻雞和一條疑似是蔘的存在。好好飲，啱曬鍾意飲湯但又懶得煲湯的我呀！

牛扒粒煮得幾入味，都ok夠淋，不錯。
原來呢度仲有花膠食！唔知以為去左極上，堅又大塊又厚身，甚有高級花膠feel, 對於著重保健養生的我，當然是最適合不過啦！ 而且沒有半點傷腥味，高湯煮得好入味，膠得來滑！所以食兩碗是好正常的事！

天婦羅蝦水準其實幾好，皮做得夠薄，蝦肉夠爽實。 原本見到有海膽天婦羅，覺得出奇叫嚟試下！ 點知綠色一塊一塊的就是海膽天婦羅？！ 用紫蘇葉包住海膽嚟炸， 但是咬開完全不見海膽的踪跡， 奉勸大家一句， 但凡海膽的菜色，叫之前要諗清楚！

花綠綠的甜品款式也算 多， 而且質素都幾好， 整體令人滿意！

尤其是日甜品精選， 雖然每人只能叫一款， 不過可以食到限定的雪糕批，也很滿足了！