好昧抵食地道台式火鍋享受@饕鍋物

喜愛吃放題的我， 常常和老公出外拍拖的晚餐節目就是放題。 不過日式放題吃得多有少少厭， 雞煲放題食得多又有啲燥， 咁啱俾我發現到有間台式半自助放題店，正好出去試下！

這裡人頭收費，每位只須$188加一，確實好鬼抵食！每人可以有一個饕鍋物台式火鍋套餐~

饕鍋物台式火鍋套餐總共有八項選擇項目。

包括新鮮現熬湯底：
六款選擇包括： 紅燒牛肉湯，台式鴨血麻辣湯，台式三杯雞鍋，九層塔蜆湯，蜂巢豆腐美人鍋，黑糖薑母鴨湯~

但是看湯底的陣容已經和我們平常吃到的好唔同。不再是平凡的清湯或芫荽湯，而且六款湯底都各有特色之餘亦很台風，一時間很難决擇嘛！ 最後我選擇了台式鴨血麻辣鍋和紅燒牛肉湯， 湯底還非常足料呢！ 看着已經很吸引！

套餐2:吃到飽台式配料(無限追加)， 可以無限最加的款式也很多大概有成40款： 例如正宗鴨血、鴨肉丸、墨汁墨魚丸、羽衣甘藍、芥辣魚蛋、年糕條、 抹茶麻吉燒、蟹棒、鮮蝦丸……

上圖這張琳瑯滿目的點菜紙就是吃到飽系列， 種類選擇繁多， 就算係大食積也不驚不夠飽呢？！ 不過我個人認為吃完這個套餐，大食如我也基本上已經不能再吃下更多了！ 只能夠再encore 我非常鍾意的鴨血咋！

一開始每人會有一個小籃子，當中有豬肉丸、豬肉腸、冬菇、粟米、羽衣甘藍、 墨汁墨魚丸和魚腐 等等…… 每款有一粒，可以淺嚐一下，覺得好食在點~

套餐3:精選火鍋海鮮肉品包括： 極品牛三角、特級松阪豬、土雞腿、胭脂豬爽肉……
或者加錢升級肉類或海鮮： 可以加錢轉星斑魚片、象拔蚌片、日本和牛、美國桶蠔或者長腳蟹腳
酷愛食牛的我倆選擇了極品牛三角和加錢的日本和牛， 一於看看兩種牛有何區別先！

 極品牛三角

一人份量有6塊牛肉，份量不算多，勝在夠大塊亦夠曬肥美！

食起來滿滿的油花香！

日本和牛

加了錢的日本和牛又看起來又真是高級好多下！單睇那火焰般的雪花紋理已經令人忍俊不禁吧！同時有八塊呈傘形排開，煞是誘人！

和牛口感軟滑彷如棉花糖在口中融化般，輕柔如羽毛般在空中飄盪的感覺！真真好味！

還會有每人一份海鮮手工火鍋配料， 包括大蝦、手工花技丸、手打鯪魚丸、手打牛肉、水餃、蛤蜊、豬肉花、東石鮮蚵仔、淡菜。

這盤已經是二人份量，如果一個人就會各一，我很喜歡這種每款試小小的概念，fit曬我呢啲樣樣都想試下，但又眼濶肚窄，想試多兩款都飽到食唔落！但是這裡每粒丸丸俾一粒，但試到更多味道，好像今晚，我大大話話食左二十款食物，但感覺ok,不會飽到頂上心口囉！

蛤蜊夠大隻又夠鮮，難得無沙掃慶~手打丸彈力夠，食得出打到起曬膠，帶少少咬口，而且鮮甜喎！仲有好特別的灼蠔仔，都幾好味！

饕鍋物主食： 可以7選一包括自製擔仔麵,迷你滷肉飯,新竹米粉,稻庭烏冬,手打麵鹽酥雞,綜合甜不辣~超多款式梗有一款啱食！

呢個係迷你滷肉飯，我老公食嘅！見佢食鬼曬應該都啱食！不過由於我已經食到飽飽地，驚食埋主食就食唔到甜品都似，所以在甜品和主食之間就當然揀左甜品啦！哈！

還有四款台式小食無限任添， 有鹵水蛋，鹵水豆腐，滷水豬手和鹵水雞翼，同樣每款有一件，老公已經急不及待不等相機已經食左先！鹵水都鹵得好入味，尤其豆腐，簡直是一咬開塊豆腐，鹵水汁由豆腐中間爆番出來。


套餐最後連甜品都照顧埋，可以在四款中任選一項， 哈根大師雪糕也有得揀， 還可以嚐嚐自家製甜品， 例如黑糖芋圓或黑糖雜錦芋圓~

大師常常有得食，所以當然要試有特色的黑糖芋圓啦！

而我咁多心，雜錦的就最啱我了！有齊芋圓、紅豆泥、薏米、涼粉、 蒟蒻和大大粒士多啤梨咁豐富的組合就真是啱曬我啦！而且份量夠曬大碗架！黑糖味又唔會太甜，底下鋪滿冰粒，食落透心涼夠曬消暑架！

套餐還包括每人一杯手工台式飲品， 款款多彩色繽紛設計獨特花心思， 我就選擇咗以烏龍，藍珍珠和鮮奶來泡製的華麗的冒險， 香濃的烏龍配順滑的鮮奶，原來好夾！加上甜甜的藍珍珠成件事立刻girlish左！老公仔就揀咗佢最鍾意嘅奶茶，不過呢杯是特別的紅豆奶茶配黑糖珍珠！
最正嗰part係加十蚊可以無限添飲！ 一口氣試曬超過十款台式飲品，正到無朋友！ 呀！唔係！係正到一定要帶曬啲朋友嚟食呀！