嘆海鮮我一定揀通記(^V^)

最近頻頻打風， 難得今天有好天氣， 適逢假日當然要來海邊玩玩~ 一整天下來放曬電，當然要吃好味的海鮮來補充一番體力啦！
來西貢吃海鮮朋友推介我想通記~

 先來個刺身拼盤打打底先！ 款款都是時令刺身，包括有三文魚腩刺身、 珍寶特大3L帶子刺身、 甜蝦刺身、 八爪魚刺身、 希靈魚刺身和油甘魚刺身。還有我最喜歡吃的海膽刺身！

 急不及待將我最愛吃的海膽刺身收進碗內！ 十分欣賞店家非常細心地將一份又一份的海膽放在新鮮脆青瓜片上， 吃的時候好方便一整片拿起就可以了！ 淑女們吃起上來自然更有儀態啦！
海膽雖然不算肥美，但是十分新鮮， 那獨有的香甜 ，在舌尖上爆發出來， 真是令人暈得一陣一陣！

珍寶特大3L帶子刺身是妹妹最愛！這款鮮味十足完全沒有雪味， 妹妹說過帶子刺身當然要食大大塊的， 這樣才能夠將他的甜度發揮到最淋漓盡致！ 果然這麼大塊吃起來真甜如蜜糖呢！

三文魚腩刺身亦都十分之好味！ 最鍾意那結實的三文魚脂肪在咀嚼時慢慢和三文魚互相交錯纏繞繼而溶為一體的美妙口感！魚油同時慢慢散發出香氣~無得彈！

 想食生猛海鮮又唔想太貴啱番budget嘅話，我推介呢款芝士焗龍蝦伊面底~一來夠曬飽肚，二來話曬有深海龍蝦食！

 先講個伊面底，好明顯用左勁多芝士，唔單止睇到多金黃色的芝士醬，食落真是好鬼重奶香！邪惡但我鍾意呀！將每一條麵條都將芝士醬掛得滿滿的，簡直好似芝士才是主菜般，令人忍不住大口大口地吞噬呢！

隻龍蝦仔都好鮮甜，肉質更是爽口彈牙！在咀嚼時彷彿感覺到還有生命般彈跳着！yummy~~

 清蒸海上鮮就點都要整番條！呢條咪係令中小學生聞風喪膽的“東升班“？！哈哈！已經不是求學時期的我當然十分歡迎它啦！

食海鮮嘛……沒食魚對我來說等於無食過海鮮囉～深海游水東星斑真是好味！完全不會腥，新鮮嘛！而且肉質結實中帶柔軟，就好似温柔的大隻猛男咁得人鍾意！

尤其魚腩位置，超滑超爆油，正到呢！

 呢度的椒鹽賴尿蝦都好出名，當然要試下！

 每隻椒鹽賴尿蝦都手臂咁粗架！所以上枱前都已經剪段了。半隻都已經好像一支可樂咁高！誇張！

 將椒鹽賴尿蝦用剪刀剪開就會露出雪白呼呼的肉了！食起來其實一點都唔會麻煩的~
在特甜的蝦肉上帶濃濃的椒鹽味，比清蒸要好吃多了！

 黃金鮑魚顧名思義就是黃金色的鮑魚！ 見到金黃色的鮑魚令人食慾更加大增呢！

 黃金鮑魚其實是用鹹蛋黃製作成鮑魚的衣裳， 應該是怕他凍親吧？！所以將他每一寸肌膚都緊緊包裹著！

 原來鹹蛋黃唔止同蝦好夾，同鮑魚都好夾㗎！ 不過這款菜相當考師傅的功架吧？ 又要蛋黃滲透落鮑魚的肉裏面， 但是食起嚟又唔可以韌， 仍然保持到鮑魚的獨特彈性和美妙口感！ 比起黃金蝦一味噬殼要好味得多了！ 不單食到鹹香，而且有啖啖肉質感，好好味！ 雖然食咗兩大碗面，已經飽飽哋，但係都好想再encore鮑魚呀！！！

 食甜品之前要清一清個口先 ， 整番碟西貢時菜時炒就最恰當不過了~

清甜的哈密瓜和清甜的桂花糕好夾呀！ 大家都係甜甜地唔會太甜， 而且感覺好清新， 他們就好像鋼琴上的黑白鍵盤一樣，為今晚寫上完美的句號~