唯一會不停encore的火鍋放題店 @馬辣台式鴛鴦火鍋

都說我們香港人是放題的狂熱份子準沒有錯！ 老公仔慶祝生日， 有什麼好得過來吃我們最喜愛的打邊爐呢？！

於是，馬辣！我們又來了！
說實在也很喜歡這間台式的過江龍， 正所謂不是猛龍不過江， 由台灣紅到嚟香港， 一定有些過人之處吧！ 我最鍾意吃這裏的麻辣湯底， 辣度還可以隨意選擇 ，尤其加了一塊一塊的鴨血， 和在台灣吃到的一模一樣！

當然價錢優惠，又是放題形式 ，加上食物很不錯和質素款式多， 也是其受歡迎之處啦！ 講真食過咁多間放題， 百幾蚊嘅放題餸食到新鮮生晚會跳嘅海蝦， 去邊度搵吖？

 由於場內中間有自助區， 所以自選點單款式只有一張紙， 主要集中了比較貴的食材， 例如我最愛的牛肉！

呢度牛肉款式都多，大概有四款選擇， 有美國prime頂級牛梅花，美國choice無骨牛小排,美國安格斯黑牛和美國精選五花。 愛吃牛肉的我當然要試曬咁多款啦！

盛載的餐具側邊會有顏色記號，跟返顏色記號就可以知道是哪一款肉類，非常方便！ 個人認為頂級牛梅花最正， 不但止大大塊食落啖啖肉，而且有少許油花但是又不會過份肥膩， 輕輕灼熟之後還帶有點點咬口， 而且肉味香濃， 估唔到百幾蚊任食都有這種質素實在難得！

豬肉都有黑豚五花肉和黑毛豬梅花選擇， 如果想食羊肉都有頂級小肥羊肉！ 海鮮類都有提供大大隻食落爽口兼彈牙的海生蝦， 小八爪魚 ，小貝殼和脆肉鯇魚腩！ 脆肉鯇魚腩好新鮮，食落真係索索聲架！

看到出面自助區足足有四個大架，都放滿了的食物， 而且是不停源源供應， 人流極多不斷的夾， 但是我還是很少會見到有吉盤情況出現， 食物的補給非常之快手！

而且食物款式真心多， 大概包括 墨汁墨魚丸、牛丸、龍蝦丸、芝士丸、包心丸、蟹籽丸、墨魚丸、魚蛋、 魚片頭， 廚師腸、芝士腸、午餐肉……

肉類的選擇也十分之多！ 例如有豬頸肉、牛柏葉、豬潤、鵝腸 、魷魚、水魷魚 、花膠 、魚皮餃 、魚腐……

而最緊要的當然是飲品和甜品的供應啦！ 因為同樣是任飲任食的！ 飲品的選擇種類可算是十分之多， 由自助咖啡機，以至泡花茶，甚至涼茶和放滿整整4個雪櫃的飲料，相信一定會選擇到合心意的！

甜品方面有我最喜歡吃的 Dreyer's 雪糕， 也有特色自家制果凍奶凍或凍餅！ 百幾蚊嘅放題，就可以過一個咁豐富嘅晚上， 簡直冇得輸！