愛上西冷上的朱古力@warren

在每日繁囂的工作過後， 有什麼比得上來一餐fine dine更令人覺得relax呢？ 日做夜做偶然都要獎勵一下自己嘅(≧∇≦)

 Fine dine嚟說，大坑這裏的選擇比較多， 我和好友偶然就來這裏走轉。 我們尤其喜歡吃法國餐， 可以慢慢食來個天昏地暗的談天說地(≧∇≦)

這間warren也來過好幾次了， 每次也令人有驚喜， 所以今晚又係這裏啦！ 一如以往， 今晚的set dinner以甜品為主題， 無論是前菜還是主菜都會加入甜品元素架， 聽起來好特別呀！

每次嚟呢度覺得呢度啲麵包係特別好食嘅！ 可能由於他們的麵包都是自家製， 唔單止口味比較特別， 口感亦都係更鬆軟的！
Appetizer嘅選擇有三款 ，分別是鮮帶子黑松露泡芙、香煎鵝肝配無花果蘋果蓉或小龍蝦拿破崙。

我自己就揀咗鮮帶子黑松露泡芙， 賣相都幾特別， 果然看起來就像甜品一樣！ 以泡芙夾住帶子一齊吃，帶子的鮮甜的感覺一點也不輸忌廉的， 還會健康好多！好適合長期減肥又為食的我呀！

湯品可以選擇番茄清湯配龍蝦肉或法式洋蔥湯~ 當見到友人那個法式洋蔥湯， 每一啖都有香濃芝士，啖啖洋蔥肉時， 就有點後悔怎麼沒叫洋蔥湯呢？！

還好我的蕃茄小龍蝦湯都很好味！ 清新的湯品配淡淡的番茄香， 再加上爽實鮮甜的龍蝦肉， 也挺不錯呀！

主菜方面， 作為一個不折不扣的牛魔王， 見到有見到有美味西冷當然不會錯過喇！ 這款香煎西冷配朱古力燒汁殊不簡單！ 單是聽到用朱古力醬汁來做source就知道係一個好大膽嘅嘗試啦！

將美味牛肉和朱古力這兩款同樣令人尖叫的元素組合在一起， 真係未食聽到都興奮！ 不過我壓根兒有點憂慮會唔係好夾， 點知食落又覺得好過癮喎！

在香濃的朱古力味當中， 會找到一點黑朱古力的甘香， 當中有一點點胡椒的辛辣， 但仍然掩蓋不住那牛肉滿滿的肉香和鮮嫩的肉汁， 一整個combination 就如同一首交響樂中澎湃的鼓樂和哀怨的小提琴在加上classic的鋼琴的組合般， 有種強烈的反差感， 卻又令人更體會到每一種的獨特美妙之處！

面對甜品我一向零抵抗力，更何況有我最鍾意食嘅焦糖芝士cake！估唔到一碟三款的甜品拼盤只需要加＄80咋，咁抵食想肥死人咩(≧3≦)
聽說這裏的甜品是random的， 每天的款式未必相同， 剛巧今天的款式就是我最喜歡吃的焦糖芝士檸檬批，幼滑又creamy的質感，香甜又帶一點酸，令人吃起來一點也不覺得膩，所以吃着吃着，真是把它完全吃完了！人家原本打算只吃兩口就停的！(>﹏<)