好味炭烤牛扒慶週年！cheers(≧∇≦)@mini friday

今晚是和老公仔結婚一週年紀念日！ 第一次過週年慶祝， 當然要隆重其事， 出外玩了一整天之外， 晚上也要食好啲！ 所以燭光晚餐一定唔少得啦！

位於旺角的mini Friday， 就係我哋慶祝紀念日嘅目的地啦！

呢度嘅裝修非常之有英倫風， 玩味的牆壁爐， 貴氣典雅的梳化座， 近玻璃處還擺放了一排電子蠟燭， 好切合我想要嗰個candle light dinner嘅感覺呀(≧∇≦)

平時我唔係幾會揀二人晚餐， 因為覺得menu裏面嘅菜式通常唔啱食， 而且選項唔多@_@ 但係呢度嘅豐盛海鮮二人晚餐我係highly recommend嘅！ 因為我覺得佢由前菜以至到main course甚至乎去到半前菜都非常之咁突出~

用餐前可以來點小吃， 這款墨西哥脆片， 點芝士醬真係一流！

餐湯可以選擇意大利雜菜湯或者是日餐湯，是日餐湯係南瓜湯。

睇下呢個前菜和頭盤陣容何等強勁！

歐陸海鮮拼盤包括有鮑魚、帶子、鮮蝦、聖子、藍青口。

厚切而肥美的帶子刺身， 浸在秘製醬汁之中， 酸甜的醬汁更能突顯鮮帶子當中的清甜！

這款機煮鮑魚也很入味！ 仲有大蝦和蟶子都非常鮮甜！ 雖然海鮮的食材不算非常高級 ，但以人均消費300元的晚餐竟然有這麼 的一個海鮮頭盤， 也實在非常難得！

還有一個黑松露忌廉炒野菌， 這個我和我老公都覺得好好食， 加少少飯直頭係 同百幾蚊嘅黑松露野菌 意大利飯冇分別， 就咁食都覺得好鬼正！ 我將忌廉野菌放咗落剛才墨西哥脆片上面一齊食， 即刻好似多咗個餸菜出嚟咁！

另外仲有個蟹膏帶子沙律二重奏~ 初頭我以為蟹膏和帆立貝下面是冰塊， 原來是白米飯！

蟹膏和白米飯簡直係perfect match！ 香甜嘅白米飯配上 鹹香的蟹膏， 加埋蟹子在口中噗噗作響， 略為燒過的帶子提供了另一種爽甜感來， 整個組合叫人好享受！ 唯一不好的地方就是好細碗，又因為覺得太好食，所以我和我老公搶食搶得好緊要(≧∇≦)

於主菜方面可以選擇兩款， 當中有豬牛和雞和魚，最後我們選擇了法國紅酒會紐西蘭羊膝和炭燒美國牛肉眼五成熟~
我超鍾意食有格仔紋嘅牛扒㗎！ 覺得咁樣燒嘅牛扒先至會夠嫩同時啲肉汁先可以鎖得住！

而且這塊牛扒還有陣陣炭火香味， 肉質幼嫩， 中間的肉質還是粉嫩的pink 色！ 配埋秘製的牛扒汁真係超野味！ 食到我和老公lam lam脷(≧∇≦)

估唔到配菜都幾別出心裁， 竟然係番薯蓉 instead of 薯仔蓉！ 甜蕃薯蓉好好味呀， 有夠高纖維！

這款紐西蘭羊膝會令人不其然變心心眼架！

就算用一個有番咁上下深度嘅玩去裝， 隻羊脾仔都非常之巨型咁特曬出嚟， 淨係睇過份量已經好開心下！ 然之後第一件事我就係走去吸啜咗啲骨髓出嚟先！ 軟綿綿 滑嘟嘟嘅質感真係好鬼正㗎！

同時個羊脾仔炆得好夠淋， 膝頭位置又有啲軟筋， 加上食落去個羶味啱啱好， 有得嚟又唔會太過over， 當中仲夾雜咗少少酒香， 鍾意食羊嘅人一定要試呢個呀！

今日的甜品就是朱古力餅， 甜甜又香濃嘅朱古力餅正好為今晚拍拖紀念日來一個非常之sweet 嘅ending~~

餐飲方面還包兩杯咖啡或茶，如此豐盛的二人錫set dinner只需要＄550真係搵盡全港九都好少見！

豐盛海鮮人餐
歐陸海鮮拼盤(包括有鮑魚/帶子/鮮蝦/聖子/藍青口)
意大利雜菜湯或者是日餐湯
蟹膏帶子沙律二重奏
黑松露忌廉炒野菌
主菜兩款
法國紅酒會紐西蘭羊膝和炭燒美國牛肉眼
朱古力餅
咖啡或茶