一個可以大杯酒大塊肉的好地方@寢宮 bar

香港人工作壓力大， 積埋積埋好容易變情緒病架！ 偶然都要放鬆下chill下！ 但係收咗工已經好夜，又要食晚飯又要chill好難啫(>﹏<)

啱先我就搵到一個地方氣氛一流， 可以一邊食晚餐一邊game， 食物質素仲very nice嘅添！ 唔係唔開心share畀大家呀！

在佔地過千呎的寢宮這裏， 既有傳統的飛鏢， 又有Beer pong枱, 仲有男士們最愛嘅 snooker, 亦有女仕們最like打卡位千秋擺設~ 要歡度一個晚上話都冇咁易(≧∇≦)

唔想空肚飲酒， 可以先來個晚餐或小吃， 這裏的晚餐， 還會隨餐附送餐湯、 沙律和餐飲一杯。 然後還可以爾特惠價加38蚊加一款小吃。

是日沙律是鴨胸沙律， 酸酸甜甜的黑醋菜沙律配以兩塊煙鴨胸， 是開胃的餐前小吃。

既然加38蚊可以揀一款小吃當然唔執輸啦， 我就揀咗香草炸魚條配檸檬辣汁。 想不到也頗為大碟， 雖然是side dish的價錢, 但是分量卻絕不欺場 ，足夠二人吃呢！

炸魚的粉槳夠曬薄， 簡直比美一級天婦羅師傅的手勢， 同時魚肉保持到嫩滑可口， 鹹鹹哋嘅椒鹽味就咁食已經好好味！ 點埋檸檬辣汁又有另一種剌激的口感！

是日餐湯是扁豆薯蓉湯， 玩味的拉花設計令人覺得頗有心思， 忌廉在扁豆湯內日提升了嫩滑口感， 濃郁的豆香在第一啖已經令人為之精神一振， 在最後一啖時又會令人感到依依不捨。

主菜方面今次我選擇了U.S grain fed rib eye steak with gravy sauce 五成熟。
超大塊肉眼扒完全是西方人的分量， 再加埋堆積如山的伴菜陣容， 情況就好似有十個伴娘一齊陪新娘出嫁一樣，非常大堆頭！ 我諗我應該冇可能食得曬(≧∇≦)

所以在云云配菜方面， 我揀咗我最鍾意食嘅紫薯蓉，甜甜地又好creamy嘅紫薯用非常之夠薯味，天然的番薯甜，甜得來非常清新，
除了紫薯還有正常焗薯，用錫紙包好再焗，將水份仍然鎖住，保留到原有的濃郁薯味又不會太dry ，nice~
至於五成熟的 rib rye ，由於不是鐵板上，所以不會有over cook嘅情況，肉質保持到鮮嫩。切開輕輕烤過的外層，內裡是嬌媚的紅色，猶如嬌艷欲滴的少女嘴唇般吸引，吃起來柔嫩的觸感，juicy的肉汁,澎湃的牛肉香味，令我渡過一個愉快的happy friday!感覺平常工作的汗水和辛勞都忘記了，果然好味的食物真是可以令人再次充滿力量o(^▽^)o