真正韓燒風味@韓珍

最近睇咗車大嬸的一日三餐，睇到佢哋包飯食得好過癮， 個韓燒癮頓時燒到冚冚聲，都唔理得30幾度高溫咁多，去左嘆翻餐先算！

本來坐低之後見到無爐邊蛋都有少少失落，點知落班之後出配菜嗰陣， 侍應竟然捧住一個蒸蛋出嚟俾我們， 說是餐廳贈送的，頓時高興起來o(^▽^)o正，有蛋食！而且份量都唔細㗎，係用平時大醬湯的器皿盛載。吃起來蛋香和空氣感十足，味道略淡，配上一塊泡菜同吃更好味。

呢度原來是韓國主廚， 所以風味同口味都比較接近韓國，唔怪得知咁多韓國人嚟幫襯啦！


韓燒就一定要有肉啦(>^ω^<)見到有個八色拼盤，有齊令人心花怒放的四色五花肉，人蔘，黑椒，大醬，咖喱。四種口味，已經醃製好，連顏色都變得好不一樣。

煎的時候已經發岀卜滋卜滋的悅耳聲音，再將兩邊煎成金黃色，剪成小塊和邊邊燒得香脆，用來包飯是最正斗的，看到已經覺得受不了。當中，老公最鍾意食大醬味，不單止豬肉入味，醃過食起嚟仲減低油膩感，果然豬肉和大醬是最佳拍檔！

牛肉四小碟也是非常精彩的口味，包括有調味烤裏脊，牛舌，雪花牛肉和牛肋肉條。
牛舌是原味上，想不到看似小小的一碟，竟然有差不多成20塊牛舌！薄薄的一片牛舌煎兩下已經非常香口彈牙，在沾上鹽油同吃好吃！

總括來說四碟牛肉都非常嫩口，而且不會有油膩感，食起嚟亦覺得冇咁肥膩，所以近來韓牛也漸漸枱頭。我自己就鍾意食醬醃過嘅，味道嘅層次會豐富啲，但由於韓牛肉味比較重，所以食起嚟就算包左菜都仲係肉味澎湃，令人吃起來更滿足呢！