飲食。奢華。日本黑毛和牛。燒肉801

老公鍾意食和牛，眾多烤肉店之中俾我哋搵到呢一間平靚正，以抵食價錢食到黑毛和牛，依度一到六點之後就好多人排隊㗎喇，所以每次我哋都早啲嚟食，咁就唔使等位仲可以坐大枱😂

強烈推薦套餐，801盛同803神係最抵！可以一次過食到唔同部位，就算的人餐都好有份量！實驗證明俾起單叫黑毛和牛上肩肉($145)係抵食好多嘅😆😂 黑毛和牛上肩肉口感的確滑，一放入口爆油花香亦係唔講得笑！幸福感爆燈！

801盛套餐包括黑毛和牛肩胛肉、腹前牛小排、蔥鹽味雞腿肉。一大片肩胛肉燒好之後再沾蛋醬，一放入口就溶化了！牛小排都好嫩，比較有厚度，可以更充分地享受咀嚼間的肉汁！

803神套餐，包括特上牛空腹肉、腹前牛小排、牛板腱肉。這幾款肉類油花比較輕盈，所以相對肉味會比較濃郁，肉質都keep到，用來做生菜包就一流！生菜set有齊泡菜同埋辣醬，食得健康又飽肚！

鍾意澱粉質嘅，都可以叫紫菜飯，滿滿嘅紫菜，中間仲有隻元氣蛋，加少少醬油已經好味到停唔到口！

ig: yakiniku_801

#燒肉 #黒毛和牛 #和牛ステーキ #和牛燒肉 #hk #hkig #hkfood #hkfoodie #hkfoodblogger #foodie #foodporn  #l4l #likeforlike  #美食分享 #相機先食 #吃貨  #吃貨日常 #美味しい #美食推薦 #地道美食 #尖沙咀美食