探店。高質西餐影樓環境。悉尼樂園

趁住年尾有假期，出去買定啲年貨，晚餐時候去咗一間好有懷舊裝修設計嘅樓上店，環境同食物都OK，值得推介！

呢度佈置好有五60年代嘅feel，感覺有點像影樓，鍾意打卡嘅朋友一定會好鍾意呢度！食物方面就主打西餐，其中有我最鍾意嘅西班牙蒜片大蝦配法包🥖呢度個蒜片底像高湯質地，略為炸過嘅法包吃起來更香脆，口感其實有啲似打邊爐嘅炸魚皮，吸咗蒜蓉湯，所以食落特別好食！而且大蝦超級新鮮爽甜，比起出邊食嘅蒜蓉蝦仲要大隻好多😍

再來龍蝦汁大蝦意粉，擺盤非常吸引plus大蝦原來真係咁大隻😍再配埋三文魚籽，感覺好高級！龍蝦汁配意粉，真係冇得輸，味道香濃又夠鮮，意粉keep到彈牙口感，值得大大力俾個like！

main揀咗西班牙黑毛豬安配雜莓燒汁，黑毛豬口感算幾嫩滑，尤其是近骨位，略帶肥膏油花四溢，吃得享受！切開咗擺盤，除咗賣相靚食的又方便👍伴碟嘅有薯蓉同埋菜絲，薯味香濃又夠滑，紅菜絲食落酸酸哋好開胃。

氣氛好，就叫咗杯Cocktail飲，呢杯Aquarius 由tequila、Lemon 同soda.混合條配製作出嚟，藍藍地幾靚，好啱打卡，加上味道酸酸地感覺容易入口㗎！