飲食。海膽刺身。極上刺身丼。南瀛水產

今晚又俾我咁好彩搵到一間有氣氛嘅日式居酒屋，一入到嚟就見到燒酒牆，感覺好有氣氛呀！而且座位寬躺，仲有專門人士幫手燒海鮮同甲羅，成件事好luxury呀💕

聽講呢度嘅蟹味噌甲羅燒係必試 item，果然有專人燒係唔同啲，加入咗下一歌蔥花蟹子同埋鵪鶉蛋，一路燒一路聞到好香濃嘅蟹肉味，食ing果然蟹香味真係爆燈，濃郁略帶鹹香，我加咗落刺身飯都食，勁正！

今日食物以刺身為主，東瀛五點盛和海膽刺身絕對係唔錯嘅選擇！我自己就鍾意食呢啲比較大塊嘅海膽，一來食落更有口感，而且今次啲海膽好甘香，味道唔錯👍 東瀛五點盛分別係三文魚、甜蝦、吞拿魚、帶子。食材好新鮮，全部都好鮮甜！

南瀛極上刺身丼果然選用上等貨材料，淨係見到吞拿魚拖羅就知咩料！入口肥美油花迴盪，高級享受！仲有特大牡丹鮮甜軟糯，另外仲有幾款魚類刺身，同樣係肥美可口嘅，仲有海膽添啊！

#香港美食 #尖沙咀美食 #日本美食 #吃貨 #相機食先 #南瀛水產

@naneisuisan