飲食。放題。大瀛喜

天氣開始熱，又係食刺身嘅好季節啊！食刺身最抵梗係佢日式放題啦！唔單止可以食到勁多款刺身，仲要係任食😍

放題我哋首選呢度早場五點，勁抵食，兩公婆食到飽飽埋單唔使$500，喺邊度搵？😋而且食物選擇唔會少咗，一樣有巨型牡丹蝦、酒浸鮑魚、火炙和牛壽司、西京燒等貴價美食！所以依度早場都座無虛席㗎，想食記得book位！

真係要讚下呢度上菜速度都好快，落單唔使5分鐘就有得食😍一般我哋落咗單之後就去自助區揀小食，食住等，推介白灼蝦同大青口！灼蝦媲美海蝦咁大隻，而且好新鮮，爽口鮮甜，所以好受歡迎㗎，大家都一碟一碟咁拎，好在refill速度都好快！仲可以揀件裝壽司、螺肉等等前菜食住等，炸蠔都好食呀！

刺身夠晒肥美又新鮮，三文魚、希靈魚、牡丹蝦、甜蝦、螺肉、北寄貝、吞拿魚…..款式多，尤其係牡丹蝦真心正！夠巨夠甜！回本之選呀！三文魚腩都好肥美，個人對於原隻嘅貝類非常滿意，食起嚟索索聲，口感係爽脆又鮮甜！

熟食方面都有驚喜㗎，燒鰻魚同埋西京燒真係好味呀，除咗有香濃嘅甜醬油之外仲啖啖肉，魚肉滑一滑，加入咗蟹子同埋青口嘅蟹粥都夠鮮甜，仲有燒蠔味道夠濃郁，加埋略帶酒香嘅鮑魚，成個深海喺晒度啊，正呀！燒乳鴿即炸熱辣辣之餘，夠晒嫩口！

@daieikihk #日式放題 #刺身 #大瀛喜 #旺角美食 #hk #hkig #hkfood #hkfoodie #hkfoodblogger #foodie #foodporn  #l4l #likeforlike  #美食分享 #相機先食 #吃貨  #吃貨日常 #情侶日常 #美味しい #美食推薦 #食好西 #香港 #地道美食 #香港美食  #食評 #shadowc影子