齊來擊退腰酸背痛~~自家拔罐有辦法

都市人工作長時間就見慣不怪，無論勞動的，坐寫字樓的，抑或是企足一整天的，為生活奔馳捱得一身腰酸背痛！小女子我也是肩痛得利害，(OL的通病)，久唔久仲會肩膀靭帶發炎或肩周炎時常要花錢按摩和睇醫生真是肉都赤埋！後來有朋友試了拔罐讚好，着我也試試看，後來試過一次果然鬆好多！不過成日去睇中醫都好麻煩...
最近俾我發現到裕華國貨有一套家用拔罐套裝只需二百幾蚊，二話不說就買咗回家^^

一套有六個罐，一個真空抽氣器，一支接駁軟管。用法超簡單：

說明書會詳加說明用法功效等

將罐放在需要的地方，如肩膀，腿，手臂等，接上真空抽氣器，拉動手柄兩至三下便鎖在皮膚上，

十五分鐘後即可脱下(不好貪心拔太久)，只留下紅印一個。

越紅証明了該部位越需要

即時係鬆好多，七日為一個療程，完成了一轉已有明顯改善(要持之以恆，不能心急一朝即好)(注意:經期或孕婦不適用)
各位有腰酸背痛的sis可試試，方便又易用，有别於中醫以火操縱拔罐，減低危險性，咁就用得更安心啦!而且，呢套自己用就好方便，任何位置皆可達(只須駁上專用長駁管即使背後也無問題^^)，大家一齊同撒隆巴斯講bye bye 啦!