爆水一家人@doctorcos

之前一直聽到有人話爆水神器好好用，咁我咪本住唔洩底加求正的心態又走去試下係咪真係咁work先！結果？試完就立刻忍唔住又回購了！仲買埋一家大細番屋企潻！
一家大細係咩？咪係爆水神器啦，同埋爆水眼霜加爆水面霜喇~

講番爆水神器先~
莎莎買而家好抵玩，95蚊有交易了。一盒有110ml，慳慳地其實有排用，不過我獨姑一味用來做面膜敷面，我計過，大大話話都可以用到十次。

成分功效等大家自己睇

十次好多架喇，因為我每次都厚敷，因為我最鍾意睇住啲面膜由厚厚一層，漸漸變薄，再變更薄，直到吸收曬的感覺，真係好正！感覺就好似所有面膜變曬水分進入左我皮膚內咁，非常保濕，非常滋潤的感覺！

話說有次我塊面爆濕疹，嚇到我鼻哥窿都無肉，你知啦，濕疹又難好番，又易有疤痕，仲要喺塊度生，咁我唸住濕疹通常係因為太乾燥了，咁就應該要狂保水啦！所以就胆粗粗敷爆水神器，睇下傳聞係咪真啦！
你睇我當時係幾樣衰，成個額頭一粒一粒！！塊面一達一達咁！真係唔識笑！

所以我厚厚地敷，毫不留手咁搽。
敷完唔記得影，因為敷親都敷成粒鐘，又唔係試用文，就唔記得左。之前無影，而家補番俾大家~

不過我可以話俾大家知，爆水係真係有用，連濕疹中都用得，無得彈~敷完勁保水，而且係深層保嗰隻，好似係乾涸沙漠俾個海洋落去咁！效果last得到！~非常建議做完激光或彩光等呢啲療程之後日日敷！好快，大約兩個星期，塊面無曬事！爆水都有好大功勞！

敷左半小時，吸收左好多

敷完皮膚又滑又彈

加上價錢實惠，真係密密敷唔肉赤！所以我再encore佢，又買！仲買埋面霜同眼霜試埋，下次跟大家分享！


歡迎與我合作或邀請出席event

電郵地址：halloshadowking@yahoo.com.hk

instagram:http://instagram.com/shadowccheung
歡迎加入fanpage :https://www.facebook.com/Shadowcblog

my share platform:
<Fashion & beauty><Beautylife><The ztyle><Beautyexchange><Blogspot><she.com><Imore><Ubeauty>
<Lady Qooza><qooza beauty><weshare>

免責聲明：今次係我試食後/試用後的個人感受分享，大家應自己衡量產品/療程是否適合自己的體質和千萬不要貪快服食/使用過量呀！有需要請請教專家意見，本人概不負責。