泰food都有得high-tea?!@泰燒遙

食tea嘅嘢有時唔係茶仔就糖水甜品咁，食得多都悶啦！今次試新嘢，泰式的high-tea set,下次帶埋男友來試，尤其是男友唔多好甜品，咸點就啱曬佢啦！

不得不提這裏環境不錯，而且座位舒適，來這裡tea下都幾relax~
我們揀了二人tea set ,唔洗唸，唔洗煩，而且款式多！

看起來非常西式呢！三層的設計十分討好，真是有酒店feel呢！第一層頂部是甜品專區，有兩件椰汁西米糕、芒果西米糕、泰式椰汁多士、紅豆大菜糕四款甜點~先來個椰汁多士吧，脆脆的泰角形多士配上超滑的甜椰汁，雖然椰汁我好一般，不過朋友仔食完都大讚喔！
接著食起第二層來，甜品留番最後才食！第二層是三色沙律，有泰式鳳爪、青芒果軟殼蟹沙律、和鮮蝦柚子沙律~

沙律就幾時都是我至愛，泰式鳳爪酸酸的，而且夠辣夠味道，一碟大約5隻，由於朋友不喜“損“腳趾，所以全部等我來！食第一隻還可以是小辣，愈食就愈辣，食到第5隻，個咀唇好似有小小火咁潻，不過係過隱嘅，呢種辣我都接受到，加小小酸幾好食，愈辣愈食潻！食到軟殼蟹，覺得好鮮味，小小蟹腳還是脆的呢！至於柚子大蝦幾特別，柚子是大柚子，楊枝甘露嗰隻，滿載清甜的味道，帶幾分酸，和沙律汁跟沙律菜非常夾，加上柚子夠新鮮，一咬有爆汁feel 潻！

至於最底層就是泰式燒烤，有燒虎蝦兩隻、燒豬頸肉、豬牛雞肉各一串，肉類方面選擇算多，樣樣有啲，不過份量就唔多夠，得蝦可以一人一隻，其他都要share,but因為我不食豬，朋友讓我食曬牛串和雞串，自己猛噬豬^_^
大蝦最好味，食到彈牙的質感，証明夠新鮮，而且算大隻，加上開了邊，食起來就方便好多，一下子就起到肉！而且味道帶小小蒜少小辣小小香茅，泰feel之餘不過分，味道啱我。
牛肉串幾有誠意，食得出先將牛肉變免治狀，再醃過，入曬味再穿番做都串咁燒，所以食到好香夠濃的香茅咖喱味，但保持到口感嫩滑juicy！
雞串就一般，普遍水準。

芒果西米糕夠香不夠甜，不過鍾意食唔太甜的甜品的人可能會鍾意喔種，but芒果味略為不夠，可能底層有超多西米所以溝淡左的關係，整體感覺略淡味。
紅豆糕幾特別，底層由“眼仔“所組成，兩層中間還有一小片椰青肉起點睛之效！幾有新意之餘都好食！

尖沙咀諾士佛臺1號5樓 



contact me:

電郵地址：halloshadowking@yahoo.com.hk
instagram:http://instagram.com/shadowccheung
歡迎加入fanpage :https://www.facebook.com/Shadowcblog

my share platform:

<google+><Fashion & beauty><Beautylife><The ztyle><Beautyexchange><Blogspot><she.com><Imore>
<Lady Qooza><qooza beauty><weshare>