想幾鮮有幾鮮(≧∇≦)德哥火鍋專門店 (佐敦)

海鮮站在我的最愛的排行榜來說，可謂去到無敵是最寂寞的狀態了！😂
今晚又是海鮮夜，約了三五知己齊齊吹番晚。

本來我們一心是打邊爐的，所以來左德哥呢度，點知見到有海鮮餐食，睇落幾豐富下，又有新意，我們立刻轉左軚，變左食海鮮😂

未食之前例行動作：調好自己個醬汁先，可以加青紅辣椒，生熟蒜頭，芫茜蔥咁。

再叫定懷舊雪碧就一切準備就緒了！

就是呢個餐，叫做浩瀚桑拿海上鮮，見到好大堆頭咁，又有多款海鮮，而且收定價，就唔怕食到超出預算都唔知啦！

生蛤蜊據說很補血，不過大多數人都覺得太腥而不敢吃，我天生是一個海人，對腥呢種氣味沒甚麼感覺，忍耐度倒是頗高，通常新鮮的，我好少覺得腥，對我來說，那是鮮！倒是死了的海產，我就好遠都會已經嗅到腥。所以，在一片“好驚呀！““嘩，血淋淋咁嘅“的此起彼落尖叫聲之中，那既鮮而實在又帶點血液的味道的生蛤蜊就我一個人大快朵頤了！正！店家有提供蒜子，不過我試了一口，那過分辛辣的蒜味又太搶風頭了，把蛤蜊的味道都蓋掉了，又不太好。其實單食可能會較難接受，沾小小醬油就剛好提鮮又能稍稍染蓋那頗濃的“血液“味了。

一上桌用大錫紙包住，老闆話咁樣海鮮嘅鮮味和精華就會全部逼曬出來，而且會緊緊鎖住左在錫紙內，咁食到嘅每一件海鮮個味道都會提升，變成超級海鮮一樣！😂

果然一打開，個香味真是唔講得笑，完全大發！而且超多嘅款的令人垂涎欲滴， 見到的首先係有一帶條沙巴龍躉， 整整覆蓋著整個煲， 簡直就是個好的直徑一樣， 非常大條的一條沙巴龍躉！單是這條魚價值也不菲呢！

除左沙巴龍躉之外，其他用料都很豐富，包括有 大蝦， 石蠔，雞件， 帆立貝， 蟹， 大花甲， 超多蜆.....多到唔記得左😂😂😂😂😂

蝦肉爽口彈牙，帆立貝好似細粒左啲，不過都ok好食，蠔超大隻，應該是我的邊爐最愛桶蠔即美國蠔先有呢個size,蒸完竟然唔會太韌，蠔味夠，正！

最最最正一定係呢條沙巴龍躉，魚的肉質爽實，食得出非常新鮮，骨極少，每一口都啖啖肉，再加埋極富膠原口感的魚皮，簡直是享受的化身！完全滿足到愛魚和對魚有好高要求的我！

飽餐一輪後，加入了冬菇呀，豆卜和烏冬同吃，所有鮮味被豆卜完全吸收再食！滋味可想而知啦！今晚對於我呢個海鮮人來講簡直大滿足呀！

德哥火鍋專門店 (佐敦)
地址 : 佐敦廟街286-298號華志大廈地下A舖