抵食串燒

購物精的我常常過嚟觀塘這裏找平靚正開倉！尤其是呢邊勁多護膚品牌子開倉，買到手軟呀！ 瘋狂購物完，當然是祭五臟廟時間啦！

剛巧同一層就有這間串燒店， 而且價錢好便宜， 一於試下佢！

點菜紙有一張， 底面都寫滿選擇， 大大話話都有三十多款。 選擇種類都包羅萬有， 豬牛雞和海鮮類都有得選擇， 而且價錢都算便宜， 一般燒雞翼都是22蚊左右， 朋友點左一條墨汁墨魚腸大大條都是15蚊， 可惜裡面有豬肉我吃不到， 看起來很好味的樣子>n<

好難得見到串燒店有得食炸薯條，當然要試下，份量夠大碟而且即叫即炸。 食炸薯條當然最緊要是夠熱和夠脆啦！ 呢度都炸得唔錯 ，而且加咗少少黑椒，味道更好~

另外還有一款炸物個人非常推介~

就是炸牛乳蟹肉薯餅了， 外層炸得非常鬆脆富有口感， 一咬開就是好似岩漿般滾熱的牛乳， 配以打爛了的蟹肉和薯餅， 味道好夾之餘層次感豐富！ 在北風呼呼的晚上， 吃一個這樣的薯餅， 立刻暖上心頭。

這裏的鹽燒雞中翼好像比現在的譚x雞翼來得好吃， 起碼前面這兩隻雞翼是大隻仔， 強勁嘅臂彎絕對是女士最喜愛的吧？！
味道方面， 簡簡單單的鹽燒也可以很好吃， 鹹香味脆雞皮再配以鮮嫩的雞肉，正！ 雞翼控的我表示滿意！

厚切牛脷串價錢上明顯比其他食物有點“拿利“， 叫價38大元。 可是wild girl 嘛，和牛仔舌吻 ，一向是我所喜愛>v< 。 還好這牛舌果然夠厚切， 而且吃起來彈力十足，甚有嚼勁又不韌， 又帶黑椒胡椒香味，算值回票價啦！

牛柳串對於我這個老婆婆的牙力來說， 好像有點燒過火了， 或許是這個牛和我年輕一樣成熟吧？

牛仔骨香囗有咬口又不會太鞋,而且味道帶黑椒味,同時食到有牛油香,幾好食!


鮮‧港式串燒吧
網址: http://s.openrice.com/QrbS0DAy3W0
地址: 觀塘 開源道60號駱駝漆大廈3座5樓P室