韓食之選@鳳雛

韓粉的我，知道旺角開了間非常出名的元祖安東燉雞，特意來試！

之前去韓國旅行嘅時候都有食， 記得那時香港未有這麼多韓食店， 睇好多攻略，山長水遠才搵到燉雞店吃！ 現在多麼方便， 當然要食返餐勁嘅啦！

鳳雛燉雞作為鎮店之寶當然要試下啦！ 但同時我又好想食埋炸雞喎， 為食的基因驅使下， 決定兩樣都叫曬！

鳳雛燉雞二人份想不到已經很大碟！ 認真超抵食！ 而且內裏用料十足， 除了美味燉雞之外， 還有燜到又淋又入味的薯塊， 彈力十足的蒟蒻絲， 我相信單吃不用加飯已經可以好飽飽！

個人幾鍾意燉雞嘅風味， 煮得好入味和咬落肉質嫩滑的雞肉， 啱曬追求重口味的我！

炸雞來說，口味的選擇一向4到5款，這裡都不例外，我們選擇了由原味及醬油味組成的半半炸雞！

金黃色的炸雞塊，而且原來還跟了一大堆薯條一齊，幾喜出望外！不過，我覺得個炸雞肉老左啲，有樹皮feel,明明係雛雞，不明白點解會咁老，完全無嫩口的感覺，朋友說我太誇張了！他食落ok.不覺有問題，可能是我一聽到是雛雞就同嫩和滑聯想在一起，才會因這反差而有所失望？

紫菜包飯是我必食之選，基本上去度任何有供應的地方都必定會點來食嘅！
我鍾意那種爆餡的感覺，而且包飯沾韓式辣醬勁好食的！

呀，不得不提一下，這裡的果肉soda好好味，而且好夠味，飲到底都仍然好夠味的！