抵食好食樓上鋪之選@eat me bar

近來旺角多咗好多樓上鋪， 不單價錢較實惠， 座位相對上也濶落一點，我也坐得舒服啲~

在樓下見到這張海報，有我最鍾意食嘅漢堡包，而且是黑竹炭漢堡包，見幾特別，就上嚟試下啦！

呢家是西餐廳，主打漢堡包、pizza等……嘿，年青人我就最啱食啦！

除了不份漢堡和薯條外，加18蚊可以享用是日餐湯和沙律變餐，加多10元還多兩隻焗蠔！不過，焗蠔我麻麻，生蠔才是我杯茶。今日是日餐湯幾特別，是紫薯湯，平時好少飲到架！

 藍沙乳酪特飲是我的，另外那杯藍碟茶是朋友的，都幾靚！我那杯小小乳酸味，幾清新，而且是冰凍的沙冰，夠曬涼快~~

終於到我的主角出場，登登登登。。。。就是黑松露芝士牛肉漢堡配薯條！
竹炭包加上足足6.5安士特厚牛肉漢堡顆拍巴馬臣芝士和蕃茄和火箭菜以及黑松露！呢個組合無得輸啦！

薯條更加是超巨型的，有圖為証！粗過拇指，長過中指，炸到淡金黃色的健康膚色，外脆內軟的口感，好味呀！

軟熟的黑竹炭包，令人忍不住一口要咬下去！好不容易才能一口咬到底，証明我的確是好大個口！哈哈！

中間那層牛肉一點也不會韌，同樣是軟綿綿的，牛肉略羶配竹炭又幾中和到喎！我後來還將之後來的大啡菇夾埋落去一齊食！味道的層次又豐富左啲！

慢烤大啡菇配煙肉芝士汁超正！ 那個大啡菇一咬開爆汁， 估唔到焗完一啲都唔乾， 反而將所有的水分鎖在一起， 入口過下就喺嘴裏面爆出嚟，濃味又多汁！加上香氣逼人的溶心芝士，大愛！