寶盒套餐確係正斗！@炑八韓烤

以前韓牛不出口國外，想食到它獨有口感的人只怕能遠赴韓國才能嚐到！但自從韓牛外銷後，想食的人有福了！

要食到正宗韓牛，當然要來到享負盛名的炑八烤肉店啦！呢間在韓國出名到爆的店來香港都開左幾間分店了！真是次次去都爆場㗎！

每次一坐低，侍應生們都會二話不說就先放低大碟小碟的小菜，好似大大碟沙拉、泡菜、醬海帶和大豆芽等~次次都放滿那張好濶的枱！by the way,我咁鍾意來呢度同坐得舒服都可能有關(≧∇≦)
醬油和牙籤紙巾等都會在桌上或入桌小架內找到，好方便~

食韓燒前習慣來杯消暑消熱氣冷飲！最近非常熱話的排毒detox water就just fit!
detox water有4款口味潻，糖水另上，不喜甜的可以不加~個人較鍾意蘋果味的，不但感覺清新，還有豐富生果味道~

見到餐單上有新menu,而且好似幾抵食咁，要牛有牛，要豬有豬，而且還有少少海鮮咁，又有寶盒又盛，價錢都是7百幾，不算貴，加上看來幾大份，一於試下佢！

夏日韓牛寶箱套餐一出場好有排場！以乾冰製造出來的效果超有氣氛！大家記得預先準備手機，我差點趕不切拍低呢個呃like的時刻(≧∇≦)

打開夏日韓牛寶箱，原來是韓牛肩胛肉！ 韓國牛肉和日式和牛嘅最大分別之處就是油花比較少， 主打滿滿濃濃的牛肉味為主，而且肉質較勁，近年深受香港人喜愛~

牛肩胛肉是較上乘的部位，因為一隻牛來說，那部位其實得好少好少， 可說是彌足珍貴！ 輕輕煎兩邊， 大概每邊烤15秒左右的光景已經可以食得！ 淡淡的油花香配以濃郁的牛肉味， 而且食落不會太油膩， 食完兩塊有種幸福的感覺！

套餐還包括這個兩層肉類拼盤~ 看見這座對得滿滿的肉山， 感覺有點亢奮呢！

下層是厚切豬五花腩,特製豬護心肉(深色無肥),韓牛牛五花(長條有雪花的)~

而上層就有韓牛前胸肉(大塊而圓),韓國大蝦,厚切牛舌~

老公仔話特製豬護心肉幾好食！不單肉質食落軟淋淋，又香肉味不會有肉羶，食得出係貴價肉。我話俾佢知："梗係好味啦！話明護心，成隻豬幾百公斤，護心肉得200克咋，幾鬼矜貴架！"佢點曬頭再加句：唔怪之得啦！

一望到這層層疊疊的脂肪層就立刻認得這肯定非厚切豬五花腩莫屬啦！現在食韓燒的有邊個唔識佢呀～＼(^o^)／

厚切豬五花腩一開始整塊放落個烤盤上，待兩面都煎為略熟，就可以用大剪刀剪成小塊，再煎1分鐘左右就食得！食五花腩最正的食法就係包菜食，一來無咁單調，二來蔬菜可中和脂肪的油膩感，而且包埋海帶和泡菜再加小小大醬生蒜，真係好正架！大家記得試下！

厚切牛舌真是好鬼大塊又夠厚，仲要有三大塊，一人食一塊唔洗爭！

厚切牛舌同樣一下盤時原塊燒，略熟再剪開就可以燒得均勻些！我不得不稱讚一下自己的㕑藝吧！燒到火喉剛剛好，那帶點咬勁又多汁的舌頭真是好味！而家出面食串牛舌鬼死咁貴，閒閒地40元得三小顆，呢度三大塊可以炒一碟出來慢慢嘆！

韓牛前胸肉有別於一般胸口肉，見到那均勻的雪花紋理就知不是鞋颯颯那種啦！

韓牛牛五花是全晚咁多款牛肉當中個人認為係最正嘅！

因為它既會有適度的咬口，但又唔會係好韌嗰隻，又有番咁上下油花飄飄，而且有韓牛獨有的牛肉味，那是一種草原上自由放牧才有的獨特健康氣息！真是好好味！

食左咁多牛，來番兩件韓國大蝦先！大蝦食落都爽口肉脆，而且大大隻食起來啖啖風！

最後還有醬牛肉煎蔥餅，食完飽到暈左！但煎得香脆的餅邊，夾着香蔥和牛肉的薄塊，令人不期然將它不住往咀裡送！

呀，還有一樣，大家記得旁邊的芝士粟米和爐邊泡菜蛋呀！韓燒指定動作，最滿足的時刻莫過於將那拉絲的芝士放入口中嗰刻！唔！加埋泡菜無得頂呀！

六月的壽星仔有福了， 簡單出示證明文件就可以得到一個非常非得得意的飲品潻！