晚飯直落蒲點@klassic bar and lounge

今晚化行妝去左中環的klassic食晚餐，估唔到是食印度food,chicken wings同印度炒飯十分有驚喜！

原來呢度日頭有做lunch buffet,仲只係98蚊一位鬼死咁抵！夜晚就係酒精夜貓蒲點！在呢度返工嘅話真是好鬼忙啫！

本來嚟得呢度應該要試下佢啲特色酒精嘅， 不過最近要戒口不能碰酒精的我， 餐廳非常是sweet為我調配了fruit punch, 美美噠的fruit punch不但好喝,還足料，尤其西柚汁美非常濃，感覺好健康呢！

可能女仔都係比較鍾意吃小吃， 我喜歡用小吃填滿肚子的感覺， 因為肚子容量有限，但是心裏面卻很想樣樣都試！

於是我們叫了魚手指和chicken wings~
想不到簡單的魚手指也令人有驚喜！ 喜歡這裏的誠意，不是已現成的魚手指來製作，而是親手以魚肉切好的長方條現製！ 所以食到魚肉特別嫩滑， 外皮也沒有一般超市現貨的厚重感， 外脆內軟形容最為恰當！

雞翼一上枱我們直頭興奮到暗暗喝了一聲啋！ 就是看見那脹卜卜的 外形，再穿上了一件彷如吉列豬扒般踏實的外衣，我簡直按捺不了我那蠢蠢欲動的心，立刻用叉一下剌落去把它往咀裡送了！

不料鮮味的肉汁竟一下噴了出來！炸得好呀！滿滿的肉汁底下是嫩滑的雞肉！完全好味到不能停下來！每人三大隻的雞翅膀被我兩分鐘內k.o了！好不誇張吧！可是人家覺得很好吃嘛(≧∇≦)

MAIN方便我們叫了烤全雞同印尼蝦飯，唔好問我點解雞完又雞！首先唔食豬嘅人係咁架，選擇唔多，而且雞翼同全雞好明顯係好唔同架囉！

個全雞係要小小時間去即叫即烤嘅，不過食住小食等時間都好快過！而且隻雞同平時食嘅烤雞好唔同，竟然切開有多汁雞油湧緊出來！尤其雞腿帶小小焦炭香，但唔會乾爭爭，好食喎！

另外個印尼炒飯一出場平平無奇，既沒有驚人size大蝦，又沒有華麗裝飾，就是一個非常平實feel的炒飯囉！蝦仲要個尾有小小殼同幾細隻，點知食完第一啖，我們立刻你眼望我眼，得喎！好食喎！
首先我極鍾意佢炒到小小辣同好creamy,但係啲飯粒係好完整架，creamy的質感我估計是加入了印度好出名同時我勁鍾意食的yellow beans,黏糯的質感滿滿辣豆香！呢個moment ，蝦也頓時變了配角了！超推介喔！