燒盡牛全宴@熊本燒肉放題

戒吃了豬肉的我， 對牛肉的渴求越來越大！ 心底裏那種慾望簡直有個黑洞般， 要填補這種空虛感， 真是要好好地吃大吃一頓才可以！

所以，熊本！我來啦！ 這裏主打牛肉放題燒烤， 集合多款日本靚牛， 肉質上乘價格親民，識食一定係嚟呢度！

估唔到一上到嚟就見到有一個天大嘅好消息， 只需要簡單在面書上讚好分享， 眼前這個美味的海鮮盤便唾手可得了！ 頓時覺得原來我個like咁值錢架原來！(≧∇≦)

海鮮盤份量十足！一點也不欺場！ 二人份海鮮盤包括 每人一隻特大貴妃蚌、 極上帆立貝 、鮑魚、 生蠔和大海蝦！
一口氣放曬上個燒盤上燒，場面幾壯觀！

帆立貝唔單止外型大大隻，夠曬份量， 就連鮮味都係無與倫比嘅！ 大家唔好以為我烹飪其實太差燒到佢咁黑， 其實我係加左醬油落去， 加埋醬油落去吊一吊味，仲好味呀！

件生蠔畀我燒到細隻度搵唔返出嚟，笑左！
不過個海蝦唔係幾新鮮，扣左小小分！

個鮑魚同桂花蚌都Very ok,夠新鮮而且仲非常彈牙，燒完都唔會韌，原汁原味已經好好食！

見到成張紙密密麻麻都是牛肉真係令人好興奮呀！
而且訊息唔再係局限於牛小排，牛扒呢幾款，仲有牛排骨、牛舌、牛裡肌、牛側腹、牛大腸、牛胃、牛柳粒…… 簡直成隻牛講得出嘅都揾得到咁濟，好似牛全宴咁架勢！

我唔客氣啦！立刻call左一轉先！！
由遠到近分別係：牛排骨、牛小排、牛舌、牛裡肌和牛側腹~

噴，真心靚仔呀！估唔到呢啲咁上乘feel嘅牛肉會在放題見到呀！而且真是任食唔嬲架！講真食一轉都已經值回三百元人頭費啦！

每種手都各有特色，牛排骨半肥瘦，夠曬油脂香的同時又夠咀嚼勁！手舌全部厚切，完全感覺到舌頭的彈力十足，堪稱最難抗拒的法式濕吻！(≧∇≦)
牛裡肌切到夠薄夠大塊，肉味最和濃就一定算它了！不過由於本身脂肪比例較低，所以千萬不要燒熟透，7分熟就要食了，便能享受到最香濃的狀態！而牛小排就見到那白色的雪花滿佈就知夠肥美啦！

我自己就覺得牛側腹係最好食嘅！小小的一塊，燒極都唔韌，卻有如年輕的肌膚般彈下彈下！同時牛肉味又夠，好像食緊牛肉果汁糖般juicy！

除了烤肉之外，還可以點日式剌身食！ 剌身種類都ok多選擇~ 譬如有三文魚、墨魚、甜蝦、左口魚、帶子……

亦都有小食和飯類供應，一般燒一邊食住等囉！ 不過非常鍾意食燒肉的我們就留肚吃燒肉，只係叫咗少少小食嚟試下~

除了讚好面書有海鮮食之外， 也有一般海鮮例如三文魚頭、靖魚、秋刀魚、多春魚等……供應到。
非常鍾意食魚魚嘅我忍唔住叫咗兩份三文魚頭自己燒， 果然充滿廚師術天份的我將那三文魚頭和靖魚燒到皮脆肉嫩，香到不得之了！