滋味養生鰻魚@三川居酒屋

難得一日放假天朗氣清， 便相約朋友出來逛逛街血拼舒壓(≧∇≦)血拼前補給體力好重要，所以先食個午餐先！

呢度啲裝潢好有feel,卡位佈置成古代日本驛站的感覺！雖然地方不算大，也令人覺得坐得好舒服！

話明補充體力的一餐，食鰻魚就自然最適合不過啦(≧∇≦) 這裏的午市鰻魚套餐好豐富， 價錢又唔貴， 百多元已經有齊主食、沙律、味噌湯、前菜和蕃茄一set！

個鰻魚飯上面仲有一粒玉子溫泉蛋！ 可惜個蛋略為熟咗少少。倒是那鰻魚肥大肉嫩，燒的火喉剛剛好，厚厚的一大塊鰻魚真是吃它已經夠曬飽，簡直大滿足！而且醬油的味道不會過濃，甜甜地，緊緊鎖住鰻魚的鮮味，所以每一咪都好好食！

個蕃茄去了皮，還切好了一瓣瓣的，加了胡麻醬食起來格外清甜！

看來我們還點了什錦天婦羅嚟食！ 因為價錢實在太吸引啦七十蚊有齊三隻大蝦四件 野菜！去邊度揾？！

而且大蝦一點也不將貨就價， 雖然收得好平， 但係隻隻手掌咁長， 大拇指般粗壯的身軀令人未食已經流曬口水！ 果然食起嚟肉質爽口鮮甜， 彈牙嘅程度就好似喺海裏面即鬧即炸咁！Yummy(≧∇≦)