打邊爐都要養生 (≧∇≦) @牛膳

保持年輕美貌的秘訣就是養生之道！ 成街都係打邊爐但係打邊爐打到可以養生就真係好少見！

一上到嚟見到高朋滿座， 排曬長龍 情況失控！ 原來是女士們半價優惠！ 正喎！ 估唔到食火鍋都有ladies night呀！

一坐低仲有養生花茶任君選擇！ 想清肝明目抑或補氣活血嘅選擇都有齊！

長期貧血的我當然揀咗這款桂圓紅棗茶啦！ 飲起呢甜甜幾好好味！ 個人幾鍾意嗰隻杯嘅設計， 雙層嘅設計令到佢杯仔細細但係攞起嚟唔會辣親手， 而且仲會有一定程度嘅保暖作用。

湯底方面我哋揀咗這款龍蝦 帆立貝湯底！ 試咗兩啖味道果然夠曬清甜滋味！ 本來覺得個煲圓圈好似冬甩咁， 原本覺得 範圍有點窄起嚟唔係幾方便， 後來發現原來這樣設計， 水蒸氣全部都只會向上升， 唔使做蒸面人大家都食得舒服啲！

而且真係搵龍蝦嚟 淆湯！ 淆完個湯仲可以食返嗰半隻龍蝦！

現場設有自助區， 自助區的食材不算多， 卻以養生為主， 好像有木耳、 粟米 、秀珍菇、金菇、蔬菜 等等等等

然後也有墨魚滑， 手打蝦滑， 和一些自己包的餃子類， 除了手打款式之外也有一般丸子供應。 不過個人認為蝦滑食起嚟唔彈牙， 有點失望。

自助汽水方面也是有的。

蟲草花可算是較為特色的菜式， 符合餐廳的主題養生之道。

牛肉方面會因應選擇的價錢而安排， 選擇的價錢高一些自然食到的牛肉質素又會高一些。
這裏的牛肉還算可以， 而且上枱速度算快。

除了肉類還有其他海鮮可以揀， 款式也算頗多， 有魷魚， 青口， 魚， 大蝦， 還有廣島蠔任君選擇~

最後仲可以自己唧杯雪糕出嚟食(≧∇≦)好玩！