超荀一蚊一碟晚市優惠@Orange Elephant Thai Restaurant

今時今日一蚊雞仲可以做得啲咩？
除咗可以用來買支旗做下善事之外，連搭車都唔夠。但係而家話俾你知原來一蚊雞可以飲一支啤酒，甚至乎吃一碟菜，甚至係一條魚？邊度有咁着數？！

話說我嗰日經過九龍城搵食，俾我同朋友偶然碰見依間餐廳門口呢張海報，立即被吸引左入去試吓！

呢度成間店都橙色裝潢設計，牆上掛着好多泰國長的圖畫，完全襯晒個名！而菜式算新穎少見，餐牌中有不少特色食物如椰青焗海鮮飯、柚子蝦沙律等。



今日是星期五一蚊雞是炸蝦餅，最吸引我的是星期一菜式，平時買一條百幾蚊嘅魚，一蚊就食到，慳埋嘅錢仲可以嗌多兩個菜，星期一一定要嚟再食過哈哈！


星期一$1明爐烏頭
星期二$1黃香茅炸豬扒
星期三$1鳳爪沙律
星期四$1飛天通菜
星期五$1炸蝦餅
星期六$1細支裝啤酒
星期日$1黃咖喱雞

除了必點的一蚊雞炸蝦餅之外，我們還叫了一碟柚子蝦沙律和一個大蝦粉絲煲，仲有泰國靈魂甜品芒果糯米飯。



柚子蝦沙律味道清新陣陣柚子香，再配埋少少辣的蝦，食落好惹味，仲有些椰子脆脆口感都幾特別。

炸蝦餅即叫即炸！正！熱乎乎的加上超彈牙口感，仲夠曬鮮味，並沒有因為只賣一蚊就將貨就價，幾好幾好。



大蝦粉絲煲人如其名，大蝦夠晒大隻，而這個煲的特別之處就是煲底鋪了很多芹菜和洋蔥，粉絲除了醬油味之外還吸收了很濃的芹菜味，超級香！

而且粉絲夠味之餘又唔會太咸，加埋大大隻彈牙大蝦，個頭仲有蝦膏添架，抵食又好食！

最後嘅甜品當然唔少得我最愛吃嘅芒果糯米飯啦！
這裏加椰汁還毫不手軟，滿滿一整碟！開相煙煙銀銀的黑白糯米超正。我尤其喜歡白糯米那軟糯的質感，還甜甜的，而且芒果也是超甜的，是特濃的呂宋芒來的！




#正宗泰國菜 #明爐烏頭 #黃香茅炸豬扒 #鳳爪沙律 #飛天通菜 #炸蝦餅 #黃咖喱雞 #椰青焗海鮮飯 #柚子蝦沙律