熔岩效果的石鍋烏冬😋石鍋堂

去到旺角買電話配件，點知突然下起滂沱大雨，適逢晚飯時間，就嗱嗱聲衝入其中一間食店避雨兼食飯。唔夠10分鐘，大家都抱着同樣的打算吧？餐廳已經坐滿人。

一路聽着打雷聲，一路吃着卜滋卜滋作響的石鍋烏冬也別有一番意景。

這裏主打石鍋系列，有石鍋飯和石鍋烏冬選擇，今日試咗吉列豬扒石燒手打烏冬和原條鰻魚蛋包飯。

#原條鰻魚蛋包飯  🍱( 配照燒汁）$ 98

老公超鍾意食這個鰻魚蛋包飯，估唔到鰻魚份量好多，足足有成一條鰻魚，蛋皮亦夠厚又不失嫩滑，估唔到連啲飯都撈左啲鰻魚燒汁，令人感覺到這個蛋包飯充滿誠意，yummy😋

#吉列豬扒石燒手打烏冬   🍜 $ 68 配黑蒜油豚骨湯

一上枱，熱辣辣的石鍋好像要把湯都蒸發掉一樣，湯底好像熔岩搬噗哧噗哧地作響，夠晒熱辣辣！我勁鍾意呢個黑蒜油豚骨湯特濃湯底味，每一條烏冬都掛滿蒜油和豬骨香味，烏冬又keep到彈牙口感，如果唔加帶苦澀味嘅蘿蔔葉成件事就Perfect！

吉列豬扒都炸到好好食，吉列皮好似薯片咁薄脆，而豬扒都keep到Juice口感，值得一讚！而且價錢公道實惠，因為落大雨俾我無意中發現咗呢間美食店添🤣