高質日式料理,拖羅系列超有感😋黑門水產
今日是 #紀念日 ,所以就預訂了這間日本餐廳,朋友推介話食物高質,好啱紀念日來就試下。
我們都愛吃日式料理,又是紀念日,就開懷痛快地點了一堆款式😆其中剌身和壽司🍣最有驚喜。
#赤鬼明太子蟹味噌甲羅燒 $78
這款甲羅燒匯聚了多款籽物,有蟹籽魚籽都明太子都一應俱全,飽滿樸實的質感,尤其喜愛魚籽那鮮紅色魚油的光澤效果,令人心情也為之蕩漾。仲有專人幫手燒埋嚟食,蟹膏好creamy,加咗明太子味道帶辛辣,鹹香感十足!
老公就揀咗呢款,甲羅燒配上大量的香蔥和蟹籽,感覺比較清新爽口,蟹肉和蟹膏的味道亦較為特岀,甲羅燒迷不能錯過!
#黑門令帆立貝伴魚子醬 $68
愛吃帆立貝的我看到這個立即心心眼,直徑有返咁上下嘅帆立貝特別好食,兩邊輕輕烤過,實在的質感鮮甜的味道,再配以魚子醬,將鮮味推上另一個層次。
#黑松露白汁燒帆立貝 $78
一路燒已經聞到黑松露嘅香味一直飄散出來,再配以牛油提升特大帆立貝的口感,爽口彈牙好好味,令人忍唔住捧起嚟連埋個汁一齊品嘗
#平目魚薄切剌身 $168
光澤有彈性的平目魚一向好受歡迎,估唔到今次配埋柚子醬油又俾人好唔同的感覺,亦都令原本魚味較淡嘅平目魚🐟增添更多色彩,推薦推薦👍
#黑門令大漁魚子醬脆脆包 $78
鮮味的大漁碎魚肉和魚子醬同場較量😆配脆脆包口感清新👍
#極上赤子壽司 🍣 $328
集多種美味壽司於一身,有大拖羅,中拖羅,赤身,金目鯛,三文魚, 甜蝦,蟹子,三文魚子,香蔥吞拿魚腩。
拖羅色澤鮮紅深潤,魚身還泛着油光,上至拖羅下至赤身,食落口甜而不肥,滑而不膩,真係好幸福啊!
壽司飯也有驚喜,壽司飯全部浸左自家醬油,亦保持到飯粒韌度,很喜歡這種獨創的味道和口感👍
#巨峰梳打 #奇異果梳打
夏天來一杯清涼的梳打,涼透心的感覺真消暑。
留言
張貼留言