homemade手抓餅

次次去親台灣都勁鍾意食手抓餅，台灣嗰啲手抓餅特別香酥鬆化，喺香港都幾難搵到！想食嘅時候唯有自己整代替品頂住先！

試過咁多隻餅底，發現這款蔥油餅感覺最相似，而且容易煮，直接在冰櫃拿出來，不用解凍，想食嘅時候直接放落去煎就可以了，最緊要記得加多啲油就得啦！

材料：

蔥油餅

蛋一隻

芝士兩片

將塊餅兩邊各煎2分鐘，煎到少少金黃色就可以了，然之後將一隻蛋直接打落去個餅度，在直接輕輕攪勻，跟手返邊煎一下，直到個蛋熟咁就可以上碟。

上碟之後，再放上兩塊芝士對接，呢隻芝士比較容易溶又低脂，流心效果比較好！

再將手抓餅剪成容易食嘅size，就完成啦！做法簡單又好味你地都快啲試吓啦！