麵屋神匠

每次吃到好吃的拉麵時，就感覺自己好似喺日本旅行咁！最近迷上了麵屋神匠的濃蝦湯底，撞落拉麵嘅化學反應真係唔講得少，次次都食到連湯都唔放過😆

一場嚟到，一於試晒拉麵同沾麵，兩種口感兩種享受！濃厚蝦湯拉麵🍜麵條會比較幼身，會較容易吸收到湯底，使到每一條面都有淡淡的蝦香，夾埋櫻花蝦一齊食更滋味！呢度嘅薄叉燒都仲有成三片咁多，而且叉燒經過特別烹調，肉質軟綿綿，特別好食！

而神匠蕃茄蝦湯沾麵呢，湯底就相對較為濃郁，湯底除咗有香濃嘅蝦味，仲有少少蕃茄嘅香味，將沾麵輕輕點落湯底，就掛好掛滿，配搭煙煙韌韌嘅沾麵真係好好食。呢款面係配五花腩，充滿炭火香嘅五花腩食落一啲都唔會覺得肥膩，淨係食到好香好軟綿綿，口感超正！

下午茶時段來都仲可以+10幾蚊就陪到小食，勁抵㗎！炸雞同餃子🥟都炸到非常香口，尤其炸雞外脆內軟，水準之作！