旺角大瀛喜日本料理

我同老公就最鍾意食日式放題，今日可以食到勁多款刺身，不停食不停食就係最開心㗎啦！

放題我哋首選旺角大瀛喜日本料理，我哋最鍾意食早場五點，勁抵食，一個星期七日均一價$238咋！可以食到七點食足兩個鐘，而且食物選擇唔會少咗，一樣有巨型牡丹蝦、酒浸鮑魚、火炙和牛壽司、西京燒等貴價美食！

雖然五點早上都有好多人食，不過呢度上菜速度都好快，落單唔使5分鐘就有得食😍落咗單之後就可以去自助區揀小食，一於食住等，推介白灼蝦同大青口！灼蝦媲美海蝦咁大隻，而且好新鮮，爽口鮮甜，大家都一碟一碟咁拎，refill速度都好快！炸蠔都好食呀！

刺身夠晒肥美，食落口感都好新鮮，唔會話一陣雪味咁，三文魚、希靈魚、牡丹蝦、甜蝦、螺肉、北寄貝、吞拿魚…..款式多，尤其係牡丹蝦真心正！夠巨夠甜！回本之選呀！三文魚腩都好肥美，個人對於原隻嘅貝類非常滿意，食起嚟索索聲，又鮮甜！

另外呢度啲手卷好盞鬼，鍾意食三文魚子同埋海膽嘅唔好錯過，爽脆嘅紫菜包住一口飯，一啖一卷迷你size，cute得來無負擔感👍燒鰻魚同埋西京燒真係好味呀，除咗有香濃嘅甜醬油之外仲啖啖肉，加埋略帶酒香嘅鮑魚，真係補身鐵三角，正呀！