飲食。辣魚。麻辣香鍋

講起食鍋，一定會諗起呢度！除咗岀名嘅香鍋，呢度嘅烤魚都好得㗎！

今次我哋就揀咗烤加州鱸魚，呢度辣度分好多種，去到大大辣都有，鍾意食辣的可以挑戰下！大大條又厚肉嘅烤加州鱸魚是先烤好再放湯，咁樣食起嚟唔單止唔腥，仲有陣陣炭火香味，加倍好味！每款烤魚都會附送薯粉、木耳、腐竹、蓮藕、大豆芽同埋青瓜條。讓蔬菜去吸晒啲辣湯來吃，真係舌頭都冇知覺呀！爽！

京蔥牛肉配麼麼皮也很香口，牛肉炒到辣辣地，放上京蔥，這樣吃起來有點像片皮鴨的感覺，只是麼麼皮比較煙煙韌韌，口感好特別啊！都幾好食呀！

還有每次嚟呢度一定要嗌嘅黃金蝦球，超巨型大蝦🍤肥美鮮甜，配上香濃咸蛋黃醬，鹹蛋黃將緊緊裹住大蝦，集合鹹香鮮甜爽口於一身！每一啖都感覺到無比享受😎！